د افغانستان دفاع وزارت وايي،په تېرو ۲۴ ساعتونو کې یې په یو لړ عملیاتو کې شپږ وسله والوژلي او شپږ مشکوک کسان یې نیولي دي.
د دغه وزارت له خوا په خپره شوې خبرپاڼه کې ویل شوي، په دې عملیاتو کې چې په هېلمند، فراه او هرات ولایتونو کې وشول، د ملي اردو یو سرتېری هم وژل شوی دی.
د یو بل خبر تر مخه د ننګرهار ولایت ویاند احمد ضیا عبدالزی وایي، په جلال اباد ښار کې نن (پنجشنبه) سهار د ماین په چاودنه کې یو ماشوم وژل شوی.
د دې پېښې پړه چا نه ده منلې.