حکومت پر ستنېدونکو قبایلو شرطونه کېښودل
پاکستان حکومت د شمالي وزيرستان کډوالو ته ويلي دي چې تر هغو خپلو سيمو ته نه شي ستنېدې ترڅو چې يې له حکومت سره ((د شمالي وزيرستان ټولنيز تړون ۲۰۱۵ ) نه وي لاس ليک کړی، خو د شمالي وزيرستان يو شمېر مشران د دغه تړون خلاف دي. د شمالي وزيرستان قبايلي مشر ميرکالام خان وايي که يو خوا حکومت له دوی وسله اخلي نو بلخوا ورته وايي چې څوک په خپله سيمه کې په امنيټ ټينګ ساتلو يا وسله والو نيولو کې پاتې راغلې نو د کورنو ورانولو په ګډون به ورته يو شمېر سزاګانې ورکړل کېږي.