پیپلز ګوند د کاشغر –ګوادر د لارې پر ناندري ټول ګوندیز کنفرانس رابللی
پاکستان پيپلز پارټۍ نن شورو ورځ په اسلام آباد کي د چين او پاکستان ترمنځ د جوړېدونکي اقتصادي راهداری په اړه د راپورته شوي سياسي ناندري په اړه يو ټول ګوندیز کانفرنس رابللی دی. د خېبر پښتونخوا او بلوچستان سياسی ګوندونه دا تور لګوي چې واکمن مسلم ليګ ن دغه اقتصادي لويه لاره له دواړو صوبو څخه د پنجاب پر لور اړولې ده. پيپلز ګوند د ټول ګوندېز کانفرنس رابللو دغه فيصله د چارشنبې پر ورځ د پارټۍ د مرستيال مشر او پخواني ولمسمشر آصف علي زرداري په مشري کې د يوې غونډی پر مهال وکړه. د غونډي ګډونوال اخوندزاده چټان د مشال راډيو همکار عبدالحي کاکړ سره په مرکه کې وويل، پر دې موقع په قبايلي سيمو کې د بلدياتي انتخاباتو د کولو غوښتنه هم وشوه. نوموړي د غونډې نورحال له مشال راډيو سره شريک کړ