یک شنیه 30 اګست 2015 سیمه ییزوخت 20:52

افغانستان

ملګرو ملتونو د افغان دولت غوښتنه رد کړه


ملګروملتونو د افغان حکومت هغه غوښتنه ردکړې چې په زندانونو او حراستونو کې دې د بندیانو د شکنجې په اړه زیات مالومات ورسره شریک کړي.

پرون په کابل کې د ملګروملتونو دفتر  یوناما د بشري حقونو د څانګې مشرې  ویلي چې د اصولو له مخې دا اداره د هغو کسانو نومونه نه شي په ډاګه کولای چې په زندانونو کې یې د سختې شکنجې او بد سلکوک په اړه دوی ته معلومات ورکړي دي.

د افغانستان په یو شمیر زندانونو کې د بندیانو د شکنجې او بد سلکوک په اړه د ملګروملتونو د رپوټ له خپریدو وروسته افغان ولسمشرحامد کرزي امرکړی چې حکومت دې په دې اړه له یوناما سره یوځای څیړنې وکړي.

د یوناما چارواکي وایي، له افغان حکومت سره د نورو اسنادو د شریکو لپاره اړتیا ځکه نشته چې مخکې یې په دې اړه کافي شواهد اواسناد ورکړي دي. او په خپل رپوټ کې یې د هغوی نظرځای کړی دی.

دا هم ولولئ

Audio په تاریخي ډول ایا د پښتنو جرګې جمهوري وې او که څنګه؟

تاسې به د سوات ریاست له مثال سره واورئ چې په څه ډول وړې وړې جرګې وروسته په لویو جرګو او بیا د یوه نظام او ریاست په بنیاد کښېښودو کې بریالۍ شوې. تاسې به دا هم واورئ چې د پښتنو نورو سیمو جرګې ایا جمهوري وې او که نه؟ تفصیل...

Audio ایا د اسلام اباد پښتنو خامو کورونو ړنګول د ایین سرغړونه وه؟

دې خلکو ته حکومت دوه ورځې وخت ورکړ چې کورونه دې پرېږدي او بیا وروسته ورغلل او د خلکو کورونه یې ړنګ کړل. پر دې مهال د تاوتریخوالي په پېښو کې د هغې سیمې ګڼ اوسېدونکي ژوبل شول او ځېنې پولیسو ونیول او بیا یې ورباندې د ترهګرۍ مخنیوي مقدمې درج کړې. تفصیل...

Audio له سندرغاړي ګل نواز سره خبرې او د هغه سندرې

د ده په خبره، د هنګو اوسېدونکی دی او له هغه ځایه به پېښور ته ورته او له استاد شاه ولي سره شاګرد شو. په هغه وخت کې دی د اتم ټولګي زده کوونکی وو او سبق یې پرېښود. ګل نواز وايي، ده به له شاه ولي استاد سره درې، څلور میاشتې تېرولې او بیا به هنګو ته ولاړ. تفصیل...

Audio نومیالی انځورګر مراد وايي، لومړۍ استاده یې مور وه

مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو. تفصیل...

فیس بک د مینې خورولو لپاره بهترینه وسیله

پښتانه ښکنځل نه خوښوي او نه یې هم په اسانه چاته کوي ، خو په دې وروستیو کې په ټولنیزو رسنیو لکه درواخلئ فیس بک کې داسې ویډیوګانې خپریږي چې ورکې د ډیورنډ د کرښې د دواړو غاړو یو شمیر پښتانه یو بل ته له ویډیو د لارې بد رد وايي او ښکنځل کوي. تفصیل...

مهم موضوعات