یک شنیه 30 اګست 2015 سیمه ییزوخت 06:32

پاکستان

"جان کېري د پاکستان خواخوږی دی"

جان کېري د امریکا د بهرنیو چارو نوی وزیر ګمال کېږي
جان کېري د امریکا د بهرنیو چارو نوی وزیر ګمال کېږي


ګل آیاز مشال راډيو

پراګ:- پاکستان وايي، د امريکا د بهرنو چارو د نوي  وزيرپه توګه د جان کېري ټاکنه یو مثبت ګام دی او له دې سره به د دواړو هيوادونو ترمينځ اړيکي لا نور پياوړي شي.

د امريکا سېڼېټ پرون(نهې ورځ) په څرګند اکثريت سره جان کېري د دغه هيواد د راتلونکې بهرنيو چارو وزير په توګه منلی دی. جان کېري به د جمعي پر ورځ خپله  نوې ذمه واري ترلاسه کړي.

د پاکستان د بهرنيو چارو وزارت وياند معظم احمد خان له مشال راډيو سره په خبرو کې هيله څرګنده کړه چې جان کېري به د پاکستان او د امريکا ترمنيځ اړيکو کې نور ښه والی راولي.

نوموړي زياته کړه:

((موږ دې ته ډير په مثبت انداز ګورو، ځکه چې جان کېري د سېنېټ د مشر په حيث د امريکا او د پاکستان ترمينځ اړيکي ښه کولو کې ډير مهم رول ترسر کړي وو. د سيمي په اړه د هغوی پوه زياته ده. موږ هيله مند يوو په تعلقاتو کې به، چې اوس په يو مثبت لور روان دي، نور هم ښه شي))

جان کېري له دې وړاندې له پاکستان سره د پراخه همکاری یو بل چې ورته کېري لوګر بل ويل کيږي په ۲۰۰۹ کال کې وړاندې کړی وو.

دغه بل په ۲۰۱۰ کال کې منظور شوی وو چې ترمخه يې به امريکا تر ۲۰۱۴ کال پوري هر کال يو اعشاريه پينځه اربه ډالرو غير پوځي امداد پاکستان ته ورکوي.

په اسلام اباد کې د سيمه ايزه چارو کارپوه طلعت مسعود وايي،  چې جان کېري له پاکستان سره خواخوږي لري نو د هغه راتګ به ښه  نتيجې ولري.

((جان کېري د پاکستان له مسلو خبر دی. هغه د پاکستان او امريکا ترمينځ ښه  اړيکو کې مهم کردار ترسره کړی دی.  دا د پاکستان لپاره يو ښه خبر دی.  خو په ۲۰۱۲ کال کې داسې پيښې وشوې چې د دواړه هيوادونو ترمينځ یې اړيکي پيچيلي  کړل ول،  خو زما په اند اوس اړيکي ښه شوي دي.  دواړه هيوادونه دا خبره مني چې له افغانستانه د بهرنيو ځواکونو د وتلو نيټه رانزدې ده، نو په دې  کې د پاکستان د مرستې زيات ضرورت دی، او د پاکستان په رويه کې هم بدلون راغلی دی))

خو په افغانستان کې کارپوهان وايي،  چې د جان کېري ټاکنه به د سيمي پر حالاتو څه لوی بدلون رانه ولي. په کابل کې د سياسي چارو کارپوه نصر الله ستانکزی وايي، چې د امریکا په مخکېنۍ تګلاره کې د بدلون څرک نه تر سترګو کېږي.

((زه فکر نه کوم چې څه لوی اغېز به د امريکا په پاليسي کې د افغانستان په سياست او سټراتيجي په اړه د جان کېري په راتګ سره ولوېږي.  بلخوا جان کېري هغه سړی دی، چې د امريکا په سېنېټ کې د بهرنيو چارو کميټۍ غړي وو، له هم هغه ځايیه یې  د افغانستان په ارتباط،   یا په مجموعو کې د امريکا د بهرني سياست په اړه په فیصلو او پريکړو کې لويه ونډه درلوده نو زه فکر نه کوم چې کوم لوی تغير به راشي))

سينټر جان کېري په ۲۰۰۴ کال کې د ولسمشرۍ لپاره د ډيموکرېټ ګوند کانديد وو، خو بريالی نه شو.  نوموړي د امريکا په سينټ کې د بهرنيو چارو په کمېټه کې ۲۸ کاله کار کړی دی او اوس د هليري کلنټن پرځای د امريکا د بهرنيو چارو نوی وزیر راځي.

دا هم ولولئ

Audio په تاریخي ډول ایا د پښتنو جرګې جمهوري وې او که څنګه؟

تاسې به د سوات ریاست له مثال سره واورئ چې په څه ډول وړې وړې جرګې وروسته په لویو جرګو او بیا د یوه نظام او ریاست په بنیاد کښېښودو کې بریالۍ شوې. تاسې به دا هم واورئ چې د پښتنو نورو سیمو جرګې ایا جمهوري وې او که نه؟ تفصیل...

Audio ایا د اسلام اباد پښتنو خامو کورونو ړنګول د ایین سرغړونه وه؟

دې خلکو ته حکومت دوه ورځې وخت ورکړ چې کورونه دې پرېږدي او بیا وروسته ورغلل او د خلکو کورونه یې ړنګ کړل. پر دې مهال د تاوتریخوالي په پېښو کې د هغې سیمې ګڼ اوسېدونکي ژوبل شول او ځېنې پولیسو ونیول او بیا یې ورباندې د ترهګرۍ مخنیوي مقدمې درج کړې. تفصیل...

Audio له سندرغاړي ګل نواز سره خبرې او د هغه سندرې

د ده په خبره، د هنګو اوسېدونکی دی او له هغه ځایه به پېښور ته ورته او له استاد شاه ولي سره شاګرد شو. په هغه وخت کې دی د اتم ټولګي زده کوونکی وو او سبق یې پرېښود. ګل نواز وايي، ده به له شاه ولي استاد سره درې، څلور میاشتې تېرولې او بیا به هنګو ته ولاړ. تفصیل...

Audio نومیالی انځورګر مراد وايي، لومړۍ استاده یې مور وه

مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو. تفصیل...

فیس بک د مینې خورولو لپاره بهترینه وسیله

پښتانه ښکنځل نه خوښوي او نه یې هم په اسانه چاته کوي ، خو په دې وروستیو کې په ټولنیزو رسنیو لکه درواخلئ فیس بک کې داسې ویډیوګانې خپریږي چې ورکې د ډیورنډ د کرښې د دواړو غاړو یو شمیر پښتانه یو بل ته له ویډیو د لارې بد رد وايي او ښکنځل کوي. تفصیل...