جمعه 4 سپ 2015 سیمه ییزوخت 19:28

بلوچستان

بلوچستان پېکېج،استاذان پر لوږه کېنستل



نیازموساخېل،کوټه

د بلوچستان په کوټه کې د بلوچستان پېکېج تر سیوري لاندې په کار ګمارل شویو استاذانو نهره (د نه خوړلو هړتال) پېل کړی دی او له حکومته یې غوښتنه کړې،چې د دوی نوکرۍ دې پخې (مستقیل) کړل شي.

د بلوچستان پېکېج یو اُستاذ نورالله بازیي مشال رېډیو ته ووېل:

٫٫موږ د کوټې پرېس کلب مخې ته یو احتجاجي کېمپ لګولی او د لوږې  هړتال مو شروع کړی دی.په دې چې حکومت موږ ۳ کاله مخکې پر نوکریو ولګولو،مګر تر اوسه یې نوکرۍ را پخې کړې نه دي.د خپلې دغې غوښتنې د منلو لپاره موږ دغه هړتال ته مخه کړې ده٬٬

د محمد اسماعیل په نامه یو بل اُستاذ بیا وایي،چې د بلوچستان پېکېج ترشا لوېه موخه بلوچستان کې امن و امان وضع برابرول وو،مګر حالات خو پر خپل ځای هغه شان دي،حکومت د ده په وېنا،تر اوسه د دوي حالاتو ته هم پاملرنه نه ده کړې

٫٫بلوچستان پېکېج چې کله اعلان شو،نو لوېه موخه یې هم دا وه چې حکومت حالات برابر کړي او کوم وسله والو چې وسله راپورته کړې ده،هغوی  پُخلا کړي. مګر ۳ کاله وشو،نه وسله وال پخلا شو،نه حالات سم شو او نه بیا زموږ نوکرې پخې شوې.اوس نو موږ په دې فکر کې یو چې زموږ راتلونکی به څه وي؟موږ خو له نورو نوکریو هم ووتلو.په پاکستان کې د نوکرۍ کولو چې کوم سرکاري حد ۳۳ کاله دی،زموږ یو شمېر ملګري تر دغه حد اوښتي دي.نو ځکه موږ له حکومته غوښتنه کوو چې زموږ پر ستونزې دې فکر وکړي او د هوارولو لپاره یې ګامونه واخلي٬٬

یو بل اُستاذ عبدالخالق خاطر بیا ووېل، چې د دوی احتجاج به د غوښتنو تر منلو پورې جاري وي

٫٫موږ چې کله احتجاج شروع کولی نو په کورونو کې مو دغه ژمنه تر شا پرې اېښې ده چې یا خو به بری راوړو او یا به احتجاج ته ادامه ورکوو.زموږ غوښتنې بې ځاېه او ناجایزې نه دي.بس دوې ستونزې او غوښتنې لرو.یو دا چې موږ دې پاخه کړل شي او بل دا چې په تېرو ۳ کلونو کې چې حکومت د نورو پخو کارکونکیو له پاره کوم مالي ګټې اعلان کړې دي،هغه دې موږ ته هم را کړل شي٬٬

په دغه اړه د بلوچستان محکمې سیکرېټري او نورو چارواکیو سره په بیا بیا د تماس نیولو هڅه وشوه،مګر بریالي نه شو،خو یاده دې وي،د بلوچستان اوسني ختم کړل شوي حکومت کې د تعلیم وزیر، طاهر محمود په روانې جنورۍ میاشت کې د بلوچستان پېکېج اُستاذانو د دغو غوښتنو په اړه مشال رېډیو ته وېلي وو چې په جنورۍ میاشتې کې د دوي (استاذانو) لپاره زیری دی او هغه دا چې دوي به پخېږي،مګر استاذان بیا وایي،د جنورۍ میاشت هم ختمه شوه،خو حکومت تر اوسه له دوی سره کړې ژمنه نه ده پوره کړې.

یاده دې وي،د پاکستان مرکزي حکومت په کال ۲۰۱۰م کې د بلوچشتان پېکېج ترسیوري لاندې ۲۰ زره بې روزګاره او تعلیم یافته ځوانانو ته د نوکرۍ ورکولو اعلان کړی وو او په دغه لړ کې په لومړي سر کې یې ۵ زره ځوانان د آستاذ په هېڅ په کار ګمارلي وو او اوس هم دغو استاذانو د خپلو نوکریو د پخولو لپاره احتجاج شوروع کړ

دا هم ولولئ

Audio په تاریخي ډول ایا د پښتنو جرګې جمهوري وې او که څنګه؟

تاسې به د سوات ریاست له مثال سره واورئ چې په څه ډول وړې وړې جرګې وروسته په لویو جرګو او بیا د یوه نظام او ریاست په بنیاد کښېښودو کې بریالۍ شوې. تاسې به دا هم واورئ چې د پښتنو نورو سیمو جرګې ایا جمهوري وې او که نه؟ تفصیل...

Audio ایا د اسلام اباد پښتنو خامو کورونو ړنګول د ایین سرغړونه وه؟

دې خلکو ته حکومت دوه ورځې وخت ورکړ چې کورونه دې پرېږدي او بیا وروسته ورغلل او د خلکو کورونه یې ړنګ کړل. پر دې مهال د تاوتریخوالي په پېښو کې د هغې سیمې ګڼ اوسېدونکي ژوبل شول او ځېنې پولیسو ونیول او بیا یې ورباندې د ترهګرۍ مخنیوي مقدمې درج کړې. تفصیل...

Audio له سندرغاړي ګل نواز سره خبرې او د هغه سندرې

د ده په خبره، د هنګو اوسېدونکی دی او له هغه ځایه به پېښور ته ورته او له استاد شاه ولي سره شاګرد شو. په هغه وخت کې دی د اتم ټولګي زده کوونکی وو او سبق یې پرېښود. ګل نواز وايي، ده به له شاه ولي استاد سره درې، څلور میاشتې تېرولې او بیا به هنګو ته ولاړ. تفصیل...

Audio نومیالی انځورګر مراد وايي، لومړۍ استاده یې مور وه

مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو. تفصیل...

فیس بک د مینې خورولو لپاره بهترینه وسیله

پښتانه ښکنځل نه خوښوي او نه یې هم په اسانه چاته کوي ، خو په دې وروستیو کې په ټولنیزو رسنیو لکه درواخلئ فیس بک کې داسې ویډیوګانې خپریږي چې ورکې د ډیورنډ د کرښې د دواړو غاړو یو شمیر پښتانه یو بل ته له ویډیو د لارې بد رد وايي او ښکنځل کوي. تفصیل...