شنبه 28 مار 2015 سیمه ییزوخت 00:07

بلوچستان

د ګورنر راج ضد بلوچستان کې پیه جام




خدای نور ناصر مشال راډيو

کوټه:- په بلوچستان صوبه کې نن(جمعې ورځ)   د ګورنر راج پر ضد مخکنیو حکومتي ګوندونو جمعیت علماء اسلام ف او بلوچستان نېشنل ګوند عوامي ډلې پیه جام هړتال اعلان کړی دی، چې له وجې د صوبې ګڼې لويې لارې تړل شوې دي، او پر سړکونو ټرافیک د معمول په څير نه دی.

بلوچستان د پخواني صوبايي حکومت د معطلېدو او ګورنر راج د لګېدو پر ضد مخکیني واکمن  ګوندونه لا هم پر احتجاج دي. دوی د جنورۍ پر پنځه ویشتمه نېټه په ټول بلوچستان کې شټر ډاون هړتال کړی وو. د جمعیت علماء اسلام سینیټر حافظ حمدالله له مشال راډيو سره په خبرو کې ادعا وکړه، چې ټوله لويې لارې تړل شوې، چې د ده په وینا همدا د ګورنر راج پر ضد د خلکو احتجاج دی.

؛ ددې صوبې ټولې لويې لارې خلکو په خپله تړلې دي. هم په بلوڅ میشتو سیمو کې پیه ولاړه ده او په پښتون میشتو سیمو کې په سړکونو د پخوا په څير موټرې نه ښکاري. ټولې لوی سړکونه بند دي. او د کوټې تلونکي او راتلونکي ټول اورګاډي هم بند دي. او زموږ غوښتنه ده، چې پخوانی صوبايي حکومت دې ژر تر ژره بحال کړل شي؛

له دې سره چې د ټرانسپورټر اتحاديي او ځینو سیاسي ګوندونو ددې هړتال مخالفت کړی. حافظ حمدالله له مشال سره په خبرو کې زیاته کړه. هغه ګوندونه چې د ګورنر د واکمنۍ په حق کې دي، په اينده کې دې د جمهوريت خبرې نه کوي.

؛ د هر سیاسي ګوند خپل نظر دی. او هغه د دې حق لري، چې څه يې په زړه کې وي، ووايي. خو پوښتنه دا ده، دغه ګوندونه چې د يوه ډیکټېټر پر ضد وو، نن څنګه د ګورنرراج  په حق کې دي. هغو ګوندونه چې د جمهوريت خبرې به يي کولې، نن ولې د جمهوري حکومت په نړېدو خوشاله دي. موږ دا وايو، هر څوک چې هر څه وايي؛ پرهغه دې  ودرېږي؛.

د بلوچستان صوبايي حکومت له هغه وروسته نسکور کړل شو چې کله د جنورۍ  میاشتې پر لسمه نېټه په کوټه ښار کې درې درنې چاودنې وشوې چې په کې تر سلو زیات کسان وژل شوي ول او تر ۱۵۰ زیات ژوبل ول، په هغوی کې ډېری وژل شوي  شییعه مسلکه هزاره توکمي ول او وروسته بیا د وژل شویو کورنیو غړو په همدغه کې ښار کې له خپلو مړیو سره څلور ورځې احتجاجي ناسته وکړه او غوښتنه یې کوله چې صوبايي حکومت دې ختم کړل شي او پر ځای دې ګورنر راج ولګول شي. د دغه احتجاجو په غبرګون د پاکستان وفاقي حکومت د د تېرې جنورۍ میاشتې پر ۱۴مه نېټه صوبايي حکومت نسکور کړ او پر ځای یې ګورنر واکمني راوستله.

دا هم ولولئ

له فضل وهاب درد سره خبرې او د هغه سندرې

په دې خپرونه کې مو د خیبر پښتونخوا چارسدې له یوه مشر سندرغاړي فضل وهاب (درد) سره خبرې کړې دي. دی وايي، له وړوکتوبه یې موسیقي خوښېده او وروسته یې د کورنۍ په هڅونې د موسیقۍ زده کړې پیل کړې. تفصیل...

اروپا ته د ځوانانو کډوالي: ستونزې او د حل لارې

د ځوانانو غږ نننۍ خپرونه کې دا ځل اروپا ته د ځوانانو پر قانوني او غېر قانوني تګ بحث شوی دی. تفصیل...

Audio په پېښور کې د هنرمندانو ستونزو او پښتو ژبې ودې په اړه غونډه

د هنرمندانو حقونو لپاره کار کوونکی خالد خټک وايي، هڅه یې وکړه چې له کراچۍ د پاکستان یوه نومیالۍ هنرمنده عتیقه اوډو پېښور ته وروغواړي او په دې کې بریالی شو. خټک وايي، فرهنګ ته او کلتوري هلو ځلو ته زیات پام نه ورکول کېږي که نه ریښتیا دا دي چې د ناامنۍ په دې وخت کې د فرهنګي هلو ځلو ډېره اړتیا ده. تفصیل...

ټولنيزو رسنيو کې د پښتنو ځوانانو فعاليتونه او نوې تګلارې

د ځوانانو غږ خپرونه کې دا ځل په ټولنيزو رسنيو په ځانګړې توګه په فېس بُک کې د پښتنو ځوانانو پر فعاليت بحث شوی دی. په دې لړ کې د ټولنې په پرمختګ او تعميري هلو ځلو کې د فېس بُک د فعالينو رول او اغېز ته کتنه شوې ده. تفصیل...

حفیظ مالیار : په مساپرۍ کې هم فرهنګي هلې ځلې کوم

د یارانو مشال ددې اونۍ په خپرونه کې د افغانستان یو مشر او پيژندل شوی شاعر عبدالحفیظ مالیار مېلمه دی. نوموړي څو لسیزې پخوا د افغانستان په لغمان ولایت کې نړۍ ته سترګې غړولي. زدکړې یې په لغمان او کابل کې کړي. کلونه کلونه یې د افغانستان په ملکي او پوځي څ تفصیل...