چار شنبه 26 نوم 2014 سیمه ییزوخت 20:57

پاکستان

٥٠ عالمانو ځانمرګې حملې حرامې ګرځولې

د سني اتحاد کونسل مشر صاحبزاده فضل کريم
د سني اتحاد کونسل مشر صاحبزاده فضل کريم




د سني اتحاد کونسل ٥٠ عالمانو او مفتيانو فتوې جاري کړيده چې پکې ويل  شوي دي، په ملک کې فرقه ايز فسادات، ځانوژنکي بريدونه او په کراچۍ او بلوچستان کې هدفي وژنې یې حرام ي دي او اسلام کله هم د داسي ناوړه عمل اجازه نه ورکوي.

د سني اتحاد کونسل مشر صاحبزاده فضل کريم مشال ريډيو سره په خبرو کې وويل، چې پاکستان يو اسلامي ملک دی او اسلامي ملک کې خودکش حملې کول او هدفي وژنې کول په شرعي توګه حرامې دي. او اسلام ورته هیچرې هم اجازه نه ورکوي او د بې ګناه خلقو په وژنه کې ککړ خلک جهنميان دي او دا قسمه عمل کونکي نه صرف په زمکه فساد خوروي بلکې دا غټه فتنه هم ده.

نوموړي وويل، چې د دا قسمه ګامونو له وجې نه صرف اسلام بدناميږي بلکې پاکستان هم ورسره کمزوری کيږي، اسلام خو يو پرامنه مذهب دې او اسلام د ورورولۍ او د امن درس ورکوي.

د مشال ريډيو يوې پوښتنې ته په ځواب کې صاحبزاده فضل کريم وويل، (( موږ ډير کوښښونه کړي دي چې ځان وژنکې بريد کونکو سره خبري وکړو خو موږ نه پوهيږو چې دا حمله کونکې خلک د کوم مذهب له مخې ځانمرګي بریدونه  کوي او موږ خو دا هم نه پوهيږو چې دوی له  کومه ځايیه راغلي دي او د اسلام په نوم دهشت او وحشت خوروي خو موږ به بيا هم د خپلې شوره اجلاس راغواړو چې په کې له دې خلکو سره خبرو اترو لپاره څه لاره راوباسو.))

ياده دي وي چې له دې  وړاندي مولانا حسن جان، مفتي محمد نعيم او مفتي شاميزي هم دا قسمه فتوې جاري کړې وې چې ورستو بيا د نامعلومه کسانو لخوا ووژل  شول.

د سني اتحاد کونسل لخوا جاري شوي دې فتوې په اړه مفتي کفايت الله مشال ريډيو ته وويل، چې د يو انسان وژنه خوا هغه که د خودکش حملې له لارې وي او يا که په څه بله طريقه وي په غير د عذر شريعي نه د هغي وژنه دا يوه عظيمه ګناه ده او په شريعې توګه ناجايزه او حرامه هم ده.

احمد الله- مشال ريډيو اسلام آباد

دا هم ولولئ

د پاکستان د بهرنیو چارو تګلاره څه نیمګړتیاوې لري؟

د بهرنیو چارو تګلاره یا خارجه پالیسي د یوه هېواد له بل هېواد سره د اړیکو تعین کوي. په پاکستان کې دا یو تاثر دی چې د هغه هېواد پر بهرنۍ تګلارې د امنیتي ادارو زیات اثر وي. تفصیل...

د مشال ( راډیويي مشاعره )

دا اونۍ مو د یارانو مشال خپرونه کې راډیويي مشاعره درلودله. په خپرونه کې د لر اوبر یو شمیر شاعرانو برخه واخیسته او په خپلو غږونو کې یې خپله شاعري تر لوستونکیو ورسوله تفصیل...

پښتون اتل ساوڼ موساخېل

د پښتو ژبې او پښتنو تاریخ پوه،لیکوال او څیړونکی سید خېرمحمد عاریف وایې چې د ساوڼ موساخېل ملي مبارزه نه هېرېدونکې ده. تفصیل...

په هنګو کې کلتوري هلې ځلې

د سندرو امېل د دې اونۍ په خپرونه کې د خيبرپښتونخوا د هنګو ضلعې په ټل تحصيل کې د پښتو ادب او موسيقۍ په برخو کې د سيمې د ځوانانو د کارونو په اړه اورئ. په خپرونه کې، چې هارون باچا يې جوړوي، له څو سندرو هم خوند اخلئ. تفصیل...

داسحاق خان نوې سندره : " دلته پردی یم څوک مې نه پیژني "

اسحاق خان د موسیقۍ د هنر سره بې کچه مینه لري او له یوې مودې راهیسې د ښو شعرونو د سندریز کولو تکل یې پیل کړی او ډیر کله یې هڅې د مینه والو لخوا ستایل شوي دي. تفصیل...