جمعه 4 سپ 2015 سیمه ییزوخت 00:10

بلوچستان

بلوچستان: نواب رييساني مستعفي شو

بلوچستان: نواب اسلم ریسانی په کوټه کې د صوبايي حکومت د یوې غونډې پر مهال. ۱۷ نومبر ۲۰۱۲
بلوچستان: نواب اسلم ریسانی په کوټه کې د صوبايي حکومت د یوې غونډې پر مهال. ۱۷ نومبر ۲۰۱۲


په داسې حال کې د دوشنبې او سې شنبې په منځنۍ شپه د پاکستان شاوخوا ټولو رسنیو دا خبر خپور کړ، چې د بلوچستان معطله شوي وزیراعلی نواب اسلم ريساني د بلوچستان د وزیراعلی له څوکۍ څخه استعفا ورکړه.

د مخکیني حکومت ځينو غړيو د نوم او ږغ نه خپرولو په شرط مشال راډیو ته تاييد وکړ، چې نواب اسلم ريساني مستعفي شوی. پاکستاني چاپي رسنۍ کاږي، نواب ريساني خپله استعفا د جمعیت علماء اسلام ف ډلې د سینیټر حافظ حمدالله په واسطه د یاد ګوند صوبايي امیر مولانا محمد خان شیراني ته استولې ده. چې وار له مخه مولانا شیراني او د هغوي اتحادیان په یاده صوبه کې د ګورنر راج پر ضد، او د صوبايي حکومت د بیا بحالېدو لپاره يې هلي ځلي پیل کړې وې.

د جمعیت علماء اسلام سینیټر حافظ حمدالله مشال راډيو ته وویل؛ پيپلز ګوند که وزیراعلی بدلوي، او پر ځاي يې بل نوی کس وزیراعلی جوړوي، نو دا د دوی د ګوند کار دی؛.

؛ اوس که چېري پيپلز ګوند وزیراعلی بدلوي، نو دا اختیار موږ دوی ته ورکړی دی. خو موږ په هر صورت دا غواړو چې پخوانی حکومت دې ژر تر ژره بیرته بحال شي؛.

د حافظ حمدالله په خبره د دوي له دې سره هیڅ کار نشته، چې وزیراعلی څوک راځي، خو پخواني صوبايي حکومت بحالېدل پر هر صورت غواړي. پوښتنه دا پيدا کېږي، چې د پيپلز ګوند نواب اسلم رييساني د خپل ګوند د مشرانو پر ځای جمعیت علماء اسلام (ف) ته ولې خپله استعفا واستوله؟

د بلوچستان مشر خبریال سید علي شاه يې په ځواب کې وویل:

؛ په دې کې رييساني دا موقف اختیار کړی دی، چې د قلات سیمې د پيپلز ګوند صدر د وزیراعلی له ګوند څخه غړيتوب وار له مخه ختم کړی دی. او بیا نواب اسلم رييساني هم په احتجاج کې پيپلز ګوند ته استعفا ورکړه؛.

د ده په وینا کېدای شي، کېدای شي نوی وزیراعلی د پاکستان مسلم لیګ ق څخه راوستل شي. چې وروسته به د ده په خبره د وزیراعلی او د اپوزیشن ليډر په ګډه مشوره بیا نګران حکومت جوړېږي. چې د همدې لپاره په بلوچستان کې ګورنر راج ختمول او د صوبايي حکومت بېرته بحالول ضروري دي.

؛ داسې خبري موږ اورور، چې په بلوچستان کې نوی وزیراعلی له پاکستان مسلم لیګ ق ډلې څخه راولي. خو ددې تصدیق لا هم شوی نه دی. او تر کومه ځايیه چې د صوبايي حکومت بیرته بحالېدل دي، نو تر اتلسم ترمیم وروسته د نګران حکومت ټاکل د صوبې د وزیراعلی او د اپوزیشن ليډر کار دی. نو که چېري دلته لا هم ګورنر راج وي، نو د نګران حکومت ټاکل نه شي کېدای. او د دې لپاره ضروري ده، چې پخوانی حکومت بیرته بحال شي. او زموږ د معلوماتو مطابق دا کار به ډېر ژر وشي؛.

د یادونې وړ ده چې د بلوچستان پخوانی حکومت وروسته له هغې معطله شو، چې د جنورۍ په لسمه نېټه په علمدار سړک په غبرګو کې چاودنو کې تر سل زیات کسان ووژل شو چې اکثریت یې شییعه مسلکي ول، او پر ضد يې اهل تشیع د خپلو کورنیو له مړيو سره څلور ورځنی احتجاج وکړ. او د پاکستان مرکزي حکومت په دې مجبوره کړای شو، چې د صوبايي حکومت پر ځاي ګورنر راج ولګوي.

دا هم ولولئ

Audio په تاریخي ډول ایا د پښتنو جرګې جمهوري وې او که څنګه؟

تاسې به د سوات ریاست له مثال سره واورئ چې په څه ډول وړې وړې جرګې وروسته په لویو جرګو او بیا د یوه نظام او ریاست په بنیاد کښېښودو کې بریالۍ شوې. تاسې به دا هم واورئ چې د پښتنو نورو سیمو جرګې ایا جمهوري وې او که نه؟ تفصیل...

Audio ایا د اسلام اباد پښتنو خامو کورونو ړنګول د ایین سرغړونه وه؟

دې خلکو ته حکومت دوه ورځې وخت ورکړ چې کورونه دې پرېږدي او بیا وروسته ورغلل او د خلکو کورونه یې ړنګ کړل. پر دې مهال د تاوتریخوالي په پېښو کې د هغې سیمې ګڼ اوسېدونکي ژوبل شول او ځېنې پولیسو ونیول او بیا یې ورباندې د ترهګرۍ مخنیوي مقدمې درج کړې. تفصیل...

Audio له سندرغاړي ګل نواز سره خبرې او د هغه سندرې

د ده په خبره، د هنګو اوسېدونکی دی او له هغه ځایه به پېښور ته ورته او له استاد شاه ولي سره شاګرد شو. په هغه وخت کې دی د اتم ټولګي زده کوونکی وو او سبق یې پرېښود. ګل نواز وايي، ده به له شاه ولي استاد سره درې، څلور میاشتې تېرولې او بیا به هنګو ته ولاړ. تفصیل...

Audio نومیالی انځورګر مراد وايي، لومړۍ استاده یې مور وه

مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو. تفصیل...

فیس بک د مینې خورولو لپاره بهترینه وسیله

پښتانه ښکنځل نه خوښوي او نه یې هم په اسانه چاته کوي ، خو په دې وروستیو کې په ټولنیزو رسنیو لکه درواخلئ فیس بک کې داسې ویډیوګانې خپریږي چې ورکې د ډیورنډ د کرښې د دواړو غاړو یو شمیر پښتانه یو بل ته له ویډیو د لارې بد رد وايي او ښکنځل کوي. تفصیل...