یک شنیه 1 مار 2015 سیمه ییزوخت 05:31

افغانستان

افغان څارندویان روزل کېږي




د افغانستان په بامیان ولایت کې د څارندویانو یا سکاوټ د بیا بهالو لړۍ په تندۍ سره روانه ده. په دې سلسله کې د پارسا په نامه څارندویان له بې وزلو خلکو سره مرستې هم کوي.

د پارسا په نامه یوې ډلې د بامیان غارونو کې د اوسېدونکو خلکو سره د د مرستې په موخه جامې او کالي راغونډ کړي.  دا ډله له  ۲۰۰۹م کال راهیسې په افغانستان کې  د څارندویانو د بیا رامنځ ته کولو لپاره هلې ځلې کوي.

پارسا د افغانستان  یوه پخوانۍ خیراتي اداره ده، چې  ښوونکي روزي، له نفسیاتي ناروغانانو،  یتیمانو او سکولونو سره د مربوطو مسلو لپاره ټولنیز کارونه کوي.

ښځو ته د کار زمینه برابروي  او د هغوی له  ماشومانو سره  چې ښونځيو ته د ځینو ستونزو له وجې نه شي تلای په تعلیمي برخه کې مرسته کوي.

د پارسا څارندوی ډلې سلاکار کیت  بلېکي په پیل کې د خیراتې ادارې لویو ماشومانو ته روزنه ورکوی چې له  یتمخانو سره مرسته وکړي.

په افغانستان کې اوس مهال۰ ۲۰۰ زره څارندویان او تر ۱۰۰ډیر د څاراندویانو مشران په کار بوخت دي.

د پارسا ډلې چارواکي وایي،  دوی هڅه کوي چې  په افغانستان کې د څارندویانو شمیره زیاته کړي.

په افغانستان کې پخوا هم څارندویان روزل کیدل او لومړی ځل په نولس سوه یو دېرشم ( ۱۹۳۱( م کال د دوی روزنه پیل شوله بیا په ۱۹۷۷ کال کې د څارندویانو شمیره په دغه هېواد کې ۳۶۰۰۰ ته ورسیدله.

کله چې په ۱۹۷۸ کال کې د پخواني شوروي اتحاد پوځیان افغانستان ته لاړل د څارندوی سیتم يې بدل کړ او د طالبانو په وخت دا لړۍ يو مخ بنده شوه.

پارسا دا مهال یک یو بهرنی روزونکی لري. پارسا دا باوري کول غواړي چې په افغانستان کې څارندویان دومره پر پښو ودري چې که بیا بهرنۍ مرسته وي او یا نه وي دوی خپلې هڅې جاري وساتلای شي.

دا هم ولولئ

ناصر شین په لرګو انځور ګري کوي

ناصر شین د پښتونخوا د سوات سیمې اوسیدونکی دی او د انځورونو سره یې دومره مینه ده چې په لرګو انځورونه جوړوي او لیکل پرې کوي. دی وايي داچې په سوات کې لرګي پریمانه دي تفصیل...

د کرن خان ((تصویر)) جوړېدو مرحلې او سندرې

د کرن خان نوی البم ((تصویر)) نومېږي چې په اړه یې نوموړي د سندرو امېل خپرونه کې غږېدلی (ږغېدلی) دی. دی وايي، دا یې ۱۳م البم دی چې په درو میاشتو کې یې جوړ کړ او د دې له کبله یې په نوي کال کې خپور نه کړ چې د تېر کال ډېسېمبر په میاشت تفصیل...

له ځوان سندرغاړي طارق حسین سره خبرې

په خپرونه کې مو دا ځل د پېښور له یوه ځوان سندرغاړي طارق حسین سره خبرې کړې دي. دی وايي، نیکه یې موسیقار وو، پلار یې هنرمند او دی ۱۰ کلن وو چې د موسیقۍ ډګر ته راغی. تفصیل...

راشد خان وايي هڅه کوي په سندرو کې نوي الات وکاروي

په دې خپرونه کې مو له دوو پېښور مېشتو هنرمندانو سره خبرې کړې دي چې وايي، هڅه کوي په خپلو سندرو کې د موسیقۍ عصري یا جدید الات وکاروي. تفصیل...

مهم موضوعات