دوشنبه 31 اګست 2015 سیمه ییزوخت 11:41

افغانستان

تورخم پوله: مشکوک ترهګر ونيول شول



بازمحمد عابد مشال راډيو

جلال اباد:ـ  د افغانستان د ننګرهار سرحدي پوليسو د تورخم پر پوله دوه تنه مشکوک ترهګر نیولي چې د دوی په خبره په جلال آباد کې یې د ترهګرۍ د ترسره کولو نیت درلو. په دوی کې یوه یې د  ښځینه جامې  په تن وې.

د افغانستان په ختيځ کې د لومړي سرحدي پوليسو مطبوعاتي مسوول ایدريس مومند وايي، چې د تورخم پر پوله يې يو ترهګر چې ښځينه جامې يې په تن وې نيولی او د هغه ملګری يې په سرحدي ولسوالۍ لالپوره کې نيولی دی.

نوموړی وايي:
« دوه تنه ورانکاري چې غوښتل يې په افغانستان کې ترورستي اعمال تر سره کړي، چې د هغې د جملې څخه يو تن ابراهيم د رستم زوی چې مومند ايجنسۍ استوګن دي، نوموړي غوښتل چې دښځو په جامو کې افغانستان ته داخل شي او بيا لالپوري ولسوالۍ ته د خپل همکار په واسطه چې نورنبي د ميانورجان زوی دی او د لالپوري ولسوالۍ د پارچاو استوګن دی، دغه د تورخم پر پوله ونیول شول. دوی غوښتل چې په افغانستان کې ترورستي کړنې تر سره کړي . دمګړۍ ترې پوښتنې روانې دي.»

ايدريس مومند زياتوي چې نيول شوي کسانو منلې چې د حقاني شبکې سره تړاو لري او غوښتل يې چې په جلال اباد کې تره ګر بريدونه تر سره کړي.

« دغه کسان د حقاني شبکې سره تړاو لري، د مخالفينو د يو تن سرګروپ چې عبدالولي نوميږي، د هغه د ګروپ کسان دي.او دلته چې چا ته راتلل دا مالومات هم شوي دي، خو نه غواړو چې هغه مالومات رسنيو ته فعلاٌ ورکړو ځکه چې قضيه تر انکشاف لاندې ده.»

دی زياتوي چې سرحدي پوليسو اوس په داسې تجهیزاتو سنبال دي چې د هره ډول تروريستي اعمالو مخه نیولای شي.

دا هم ولولئ

Audio په تاریخي ډول ایا د پښتنو جرګې جمهوري وې او که څنګه؟

تاسې به د سوات ریاست له مثال سره واورئ چې په څه ډول وړې وړې جرګې وروسته په لویو جرګو او بیا د یوه نظام او ریاست په بنیاد کښېښودو کې بریالۍ شوې. تاسې به دا هم واورئ چې د پښتنو نورو سیمو جرګې ایا جمهوري وې او که نه؟ تفصیل...

Audio ایا د اسلام اباد پښتنو خامو کورونو ړنګول د ایین سرغړونه وه؟

دې خلکو ته حکومت دوه ورځې وخت ورکړ چې کورونه دې پرېږدي او بیا وروسته ورغلل او د خلکو کورونه یې ړنګ کړل. پر دې مهال د تاوتریخوالي په پېښو کې د هغې سیمې ګڼ اوسېدونکي ژوبل شول او ځېنې پولیسو ونیول او بیا یې ورباندې د ترهګرۍ مخنیوي مقدمې درج کړې. تفصیل...

Audio له سندرغاړي ګل نواز سره خبرې او د هغه سندرې

د ده په خبره، د هنګو اوسېدونکی دی او له هغه ځایه به پېښور ته ورته او له استاد شاه ولي سره شاګرد شو. په هغه وخت کې دی د اتم ټولګي زده کوونکی وو او سبق یې پرېښود. ګل نواز وايي، ده به له شاه ولي استاد سره درې، څلور میاشتې تېرولې او بیا به هنګو ته ولاړ. تفصیل...

Audio نومیالی انځورګر مراد وايي، لومړۍ استاده یې مور وه

مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو. تفصیل...

فیس بک د مینې خورولو لپاره بهترینه وسیله

پښتانه ښکنځل نه خوښوي او نه یې هم په اسانه چاته کوي ، خو په دې وروستیو کې په ټولنیزو رسنیو لکه درواخلئ فیس بک کې داسې ویډیوګانې خپریږي چې ورکې د ډیورنډ د کرښې د دواړو غاړو یو شمیر پښتانه یو بل ته له ویډیو د لارې بد رد وايي او ښکنځل کوي. تفصیل...

مهم موضوعات