چار شنبه 2 سپ 2015 سیمه ییزوخت 03:15

افغانستان

په ننګرهار کې خلک باغونه جوړوي

بازمحمد عابد مشال راډيو


جلال اباد: که يوه لورې ته په ننګرهار کې په دولتي کچه د ميوه لرونکو  نيالګيو او زينتي بوټو د کرلو بهير پيل شوی، نو بل لوري ته د جلال اباد ښار په ګډون له بيلابيلو ولسواليو استوګن ډله ډله نرسري فارمونو ته ورځي او د خپلې خوښې ميوه دار او زينتي بوټي اخلي.

پخوا د ښار په بيلابيلو برخو کې نرسري فارمونه موجود و، خو اوس د ښاروالۍ له اړخه د بهسودو پله ته څيرمه ځای ورکړل شوی چې په لسګونو نرسري فارمونه پکې جوړ شوي دي.

د نرسري فارمونو د ټولنې مشر بسم الله وايي چې په دې خاطر د ښار د بيلابيلو برخو څخه په يوه مرکز راټول شوي چې خلکو ته يې په اخيستلو کې اسانتيا وي.

نوموړی وايي:

« دغه نهال فروشي مخکې د ښار په مختلفو برخو کې وه، بيا موږ ښاروالۍ ته عريضه وکړه، بيا هغوی موږ ته دغلته د پل بهسود لاندې شين ډنډ چې مشهور ځای راکړ، دلته مې پنځوس پنځه پنځوس فارم لرونکو ته دا ځای توزيع کړو. تازه د وطن بوټي دي، ميوه دار شته بې ميوې شته، دلته مالټه، ليمو، نارنج چکوتره، زردالو، شفتالو، الوچه، داټول دلته خلکو تيار کړي دي.»

د نرسريو دغه فارمونو ته د ننګرهار له بيلو بيلو ولسواليو څخه د نيالګيو د کرلو مينه وال ورغلي وو،
د عبدالله په نوم يو تن چې د دره نور ولسوالۍ سره تعلق لري، او اوس په جلال اباد ښار کې اوسيږي، وايي چې پخوا يې په کلي کې باغونه لرل، خو ديرش کلنو جنګونو له منځه وړي دي اوس غواړي چې په جلال اباد ښار کې په خپل کور کې ځان ته باغ جوړ کړي.

د طالب محمد په نوم يو تن چې د خوګياڼو ولسوالۍ څخه د نيالګيو د اخيستو په خاطر راغلی و، وايي ،ناجو، صبر او د نارنج بوټي مې په دې خاطر واخيستل چې نهال يې کړم. ځکه پخواني چې زموږ د پلرو او نيکونو وو، هغه اوس يا زاړه شوي او يا له منځه تللی. اوس غواړي چې دا وطن ښيرازه شي، ښکلی شي، د دې په خاطر دغه بوټي کرو.
x


که له يوه پلوه د نرسري فارم لرونکي خوښ دي چې دولت ورته ځايونه ورکړي دي نو له بله پلوه له هغو فارم لرونکو څخه شکايت کوي چې له پاکستان څخه نيالګي واردوي.

د حبيب الله په نوم يو تن فارم لرونکي مشال راډيو ته وويل:
« دا زما خپل نهال دی، په خپل لاس باندې مې پيوند کړی دی. د بوټو اخيستو پسې ډير خلک راځي، خو يو شی دی چې زموږ بوټي چې دي په موږ پاتې کيږي، ځکه چې له پاکستانه په لاريو لاريو بوټي راځي، هغه ارزانه دي، نه چم لري او په لږه پروړه کې يې تاو کړي وي. يو بوټي په شپيته او اويا خرڅوي، په سلو کې پنځوس بوټي شينه کيږي. او د وطن مال يوه دانه هم نه خطا کيږي.»

خو د فارم لرونکو د ټولنې مشر بسم الله وايي چې په ډيره کمه اندازه نيالګي له پاکستان څخه راوړل کيږي.

« له پاکستان نه په کراچيو کې په کمه اندازه راځي، ځکه چې اوس ورته څوک ضرورت نه لري. او نه يې څوک اخلي، په هغه پروړه کې لږه شاه خاوره تاوه کړي وي چې هغه اکثرو خلکو ته وچ شي، بې نتيجې دي.»

ياده دې وي چې ننګرهار يو له هغو ولايتو څخه دی چې چې څه درې لسيزې وړاندې په کې په دولتي باغونو سربيره په شخصي توګه هم د سيمې په کچه خلکو په خپلو ځمکو کې د ميوه دارو ونو باغونه لرل، خو د تيرو ډيره برخه يې د تيرو کورنيو جنګونو ښکار شوي، خو اوس هم په دولتي کچه او هم په شخصي توګه د باغونو د رغولو هڅې پيل شوي دي.

دا هم ولولئ

Audio په تاریخي ډول ایا د پښتنو جرګې جمهوري وې او که څنګه؟

تاسې به د سوات ریاست له مثال سره واورئ چې په څه ډول وړې وړې جرګې وروسته په لویو جرګو او بیا د یوه نظام او ریاست په بنیاد کښېښودو کې بریالۍ شوې. تاسې به دا هم واورئ چې د پښتنو نورو سیمو جرګې ایا جمهوري وې او که نه؟ تفصیل...

Audio ایا د اسلام اباد پښتنو خامو کورونو ړنګول د ایین سرغړونه وه؟

دې خلکو ته حکومت دوه ورځې وخت ورکړ چې کورونه دې پرېږدي او بیا وروسته ورغلل او د خلکو کورونه یې ړنګ کړل. پر دې مهال د تاوتریخوالي په پېښو کې د هغې سیمې ګڼ اوسېدونکي ژوبل شول او ځېنې پولیسو ونیول او بیا یې ورباندې د ترهګرۍ مخنیوي مقدمې درج کړې. تفصیل...

Audio له سندرغاړي ګل نواز سره خبرې او د هغه سندرې

د ده په خبره، د هنګو اوسېدونکی دی او له هغه ځایه به پېښور ته ورته او له استاد شاه ولي سره شاګرد شو. په هغه وخت کې دی د اتم ټولګي زده کوونکی وو او سبق یې پرېښود. ګل نواز وايي، ده به له شاه ولي استاد سره درې، څلور میاشتې تېرولې او بیا به هنګو ته ولاړ. تفصیل...

Audio نومیالی انځورګر مراد وايي، لومړۍ استاده یې مور وه

مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو. تفصیل...

فیس بک د مینې خورولو لپاره بهترینه وسیله

پښتانه ښکنځل نه خوښوي او نه یې هم په اسانه چاته کوي ، خو په دې وروستیو کې په ټولنیزو رسنیو لکه درواخلئ فیس بک کې داسې ویډیوګانې خپریږي چې ورکې د ډیورنډ د کرښې د دواړو غاړو یو شمیر پښتانه یو بل ته له ویډیو د لارې بد رد وايي او ښکنځل کوي. تفصیل...

مهم موضوعات