جمعه 31 اکت 2014 سیمه ییزوخت 23:22

بلوچستان

د بلوچستان په ۲۵ ضلعو کې د پولیو ضد مهم ځنډول شوی


د بلوچستان په ۲۵ ضلعو کې د پولیو ضد کمپاين ځنډول شوی               

د بلوچستان د صوبايي حکومت له خوا په خپرې شوې خبرپاڼط کې راغلي، د نوموړی ایالت له دېرشو څخه په پنځویشتو ضلعو کې د پولیو ضد کمپاين ځنډول شوی.

دا کمپاین چې د روانې میاشتې له اتلمسې نيټې څخه به پېلېده، له پنځو ضلعو ماسوا په ټول بلوچستان کې ځنډول شوی دی. هغه ضلعې چې دا مهم به لاهم په کې چلېږي، کوټه، کلا عبدالله، پښين، جعفراباد او نصيراباد دي.

که څه هم په دې خبرپاڼه کې دا نه دي ویل شوي، چې دا مهم ولې ځنډول شوی، خو د ايي پي ايي د بلوچستان څانګې مشر ډاکټر انور له مشال سره په خبرو کې وویل،  د ډبلیو ایچ او له لوري ورته د پولیو واکسین لا هم رسېدلي نه دي، او هم ځکه يې په پنځویشتو ضلعو کې دا مهم ځنډولی.

(( دا مهم د سیکیورټي له امله نه دی ځنډول شوی، بلکې د ډبلیو ایچ او یا د صحت د نړیوالې ادارې له خوا چې موږ ته کوم واکسین  راکول کېږي، هغه لا هم راته رسېدلي نه دي، نو ځکه په پنځویشتو ضلعو کې دا مهم وځنډول شو.))

د بلوچستان کلا عبدالله او پښين هغه سیمې دي، چې په تیر څه وخت کې په کې د پاکستان تر هرې سیمې زیات له پولیو یا ګوزڼ څخه ماشومان متاثره شوي. د ډاکټر انور په ډاکټر انوار وایي همداوجه د چې په هغو سیمو کې دا مهم نه ددي ځندول شوي.

له دې سره چې د بلوچستان د صوبايي حکومت له خوا دا لا هم نه دي ویل شوي، چې په پاتې پنځویشتو ضلعو کې به دا مهم بیرته کله پېل شي. خو د اي پي ايي یاد مشر وویل؛ کله چې هم د صحت د نړيوالې ادارې له لوري ورته واکسین ورسېدل، ورسره سم به په دې سیمو کې هم مهم بیرته پېل کړي.

د یادولو وړ ده چې د روان کال په جنورۍ میاشت کې هم د بلوچستان په ځينو سیمو کې د پولیو ضد کمپاين ځنډول شوی و، چې هغه وخت کې يې صوبايي حکومت لامل خراب امنیت ښودلی و.


 

دا هم ولولئ

په هنګو کې کلتوري هلې ځلې

د سندرو امېل د دې اونۍ په خپرونه کې د خيبرپښتونخوا د هنګو ضلعې په ټل تحصيل کې د پښتو ادب او موسيقۍ په برخو کې د سيمې د ځوانانو د کارونو په اړه اورئ. په خپرونه کې، چې هارون باچا يې جوړوي، له څو سندرو هم خوند اخلئ. تفصیل...

داسحاق خان نوې سندره : " دلته پردی یم څوک مې نه پیژني "

اسحاق خان د موسیقۍ د هنر سره بې کچه مینه لري او له یوې مودې راهیسې د ښو شعرونو د سندریز کولو تکل یې پیل کړی او ډیر کله یې هڅې د مینه والو لخوا ستایل شوي دي. تفصیل...

اسد ګدون وايي : شاعري او انځورګري یې د خوښې هنرونه دي

اسد ګدون ځوان پښتون انځور ګر ، شاعر ، خبریال او ویډیو ایډیټر دی. نوموړی د شوق له مخې انځورګري کوي او پښتو کتابونو له سر پاڼې ( ټایټلونه ) هم جوړوي تفصیل...

Audio په پاکستان کې د بشري حقونو سرغړونې ولې زیاتېږي؟

په پاکستان کې د بشري حقونو سرغړونو زیاتېدو لاملونه څه دي؟ په هغه هېواد کې د جمهوري نظام د کمزورۍ له کبله انساني حقونه پامالېږي که نه نور وجوهات هم لري؟ د جمهوريت له پیاوړي کېدو سره د بشري حقونو ساتنه یقیني کېدای شي او که نه؟ تفصیل...