یک شنیه 5 جول 2015 سیمه ییزوخت 12:46

پاکستان

وسلوال طالبان په خبرو کې سنجیده نه ښکاري

د پاکستان د کورنیو چارو وزير رحمان ملک ويلي طالبان په مذاکراتو کې سنجيده نه دي.
 
پرون په اسلام کې له خبريالانو سره په خپلو خبرو کې رحمان ملک وويل چې طالبان د مذاکراتو په نوم له ولس سره ټوقي کوي ، نوموړي ويل مسلي د خبرو اترو د لاري په ښه شان حل کيدای شي خو طالبان چې د مذاکراتو لپاره کومه لاره خپلوي هغه سمه نه ده.
 
رحمان ملک زیاتوي، وسلوال طالبان یو خوا په ملک کې تشدد کوي، بدامني خوروي، او بلخوا حکومت ته د خبرو لپاره شرطونه ورکوي.
 
د کورنیو چارو وزير دا هم ویل، وسله وال طالبان دی له خبرو  وړاندې د تشدده لاس واخلي. د نوموړي په خبره  که چېری طالبان د  راتلونکیو ټول ټاکنو نه وړاندې وسله وغورځوي نو محفوظه لاره به ورکړل کيږي.
 
 
بلخوا د خیبر پښتونخوا د اطلا عاتو وزیر میا افتخار حسین ويلي دي له پاکستاني طالبانو سره د خبرو اترو وړاندې نیول شوي وسله وال طالبان نه شي خوشې کولی.
 
د خيبر پښتونخوا په نوښار کې پرون  له خبريالانو سره په خپلو خبرو کې ميا اافتخار حسېن ويلې چې د مذاکراتو  وړاندې د وسلوالو طالبانو خوشې کول د هېواد د قانون او آيین  ضد  ګام دی .
 
د خيبرپښتونخوا د اطلاعاتو وزير زياته کړه که چېری ټول ګوندیز کانفرنس کې له طالبانو سره د مذاکراتو کولو پریکړه وشوه نو دوی به په دې لړ کې د ولسمشر  اود پوځ د مشر سره هم  صلا ح کوي. ناقانونه ګرزول شوې وسلوالې ډلې تحريک طالبان پاکستان د وړاندې نه له حکومت سره د خبرو وړانديز کړی. 

دا هم ولولئ

د “مردانوال خلق” نومي سازمان هلي ځلي

د مشال راډیو په اونیزه خپرونه – د ځوانانو ږغ کې مو دا اونۍ د خیبر پښتونخوا د مردان د سيمې له داسې ځوانانو سره خبرې کړي دي تفصیل...

د خیبر زلمي او د دوی تعلیمي ستونزې

دا اونۍ د ځوانانو غږ خپرونه کې په خيبر ايجنسۍ کې د بدامنۍ له کبله ځوانانو ته د زدکړې په څانګه کې د اوښتو زیانونو په اړه غږیدلي یو. تفصیل...

Audio په لاهور کې د پښتنو زده کوونکو تعلیمي او فرهنګي هلې ځلې

لاهور مېشتي زده کوونکي وايي، دوی په ۲۰۰۸ز کال کې د پښتنو د تعلیم پرمختیا غورځنګ په نوم یو سازمان جوړ کړ چې اوسمهال شاوخوا ۶۰۰ غړي لري. دوی وايي، د دوی لومړۍ موخه یوازې تعلیمي فعالیتونه کول ول. تفصیل...

محسن داوړ غواړي ټولو قبایلو ته د ټوپک پر ځای قلم ورکړي

د مشال راډیو ځوانانو غږ خپرونې پاڼې ته ښه راغلاست. په دې خپرونه کې مو د شمالي وزیرستان له ځوان سیاستوال محسن داوړ سره د ده په لاسته راوړنو، سیاسي او ټولنیزې مبارزې، راتلونکو پلانونو او د شمالي وزیرستان د ځوانانو پر ستونزو خبرې کړې دي. تفصیل...

Audio د بلال خان بلال ژوند، هنر او د رباب نغمې

په نننۍ خپرونه کې مو د ملاکنډ یو داسې ځوان مېلمه کړی چې له وړوکي عمر یې د رباب غږول (ږغول) پیل کړي او نن د پښتو له نومیالیو سندرغاړو سره رباب غږوي. تفصیل...