شنبه 28 مار 2015 سیمه ییزوخت 03:06

پاکستان

"کراچۍ کې انتخاباتي فهرستونه نه منو"

په کراچۍ کې یو شمېر ګوندونو د الېکشن کمیشن پر ضد مظاهرې هم کړې وې چې د انتخاباتي فهرستونو کار په شفافه توګه نه کوي
په کراچۍ کې یو شمېر ګوندونو د الېکشن کمیشن پر ضد مظاهرې هم کړې وې چې د انتخاباتي فهرستونو کار په شفافه توګه نه کوي


ظفرکریمي مشال ریډیو

کراچۍ :د ټاکنو د کمیشن چارواکي وایي په کراچۍ ښار کې د ووټر لیسټونو د تصدیقي عمل د شورو شوي کار نن اخري ورځ ده ـ  د یاد کمیشن د سند صوبې مشر محبوب انور مشال ریډیو ته ویلي دي چې تر اوسه یې په دغه برخه کې ۹۵ فیصده کار ترسره کړی دی او که ضرورت محسوس کړي نو د انتخابي فهرستونو د تصدیقي عمل دا کار به ورځ دوه نور هم وغځوي.

د ټاکنو د کمیشن صوبایي مشر زیاته کړه چې په کراچۍ کې یې دغه عمل په سمه توګه ترسره کړی او د دې د امنیت په برخه کې ورسره پوځ هم مرسته کړې ده.

بلخوا ته د ایم کیو ایم ګوند سربیره د سند صوبې ګڼ سیاسي ګوندونه د انتخاباتي کمیشن  کار نیمګړی بولي ـ او له دې څخه غیرمطمین ښکاري.

د پښتونخوا ملي عوامي پارټۍ د سند صوبې صدر نذیر جان وایي، په کراچۍ کې د انتخابي فهرستونو  تصدیقي عمل د ټاکنو د کمیشن لپاره اولنی امتحان و، خو له بده مرغه یاد کمیشن په دغه امتحان کې کامیاب نه شو.

د جماعت اسلامي ګوند په ګډون یو شمیر ګوندونو پرون د اتوار په ورځ  د انتخابي فهرستونو  په تصدیقي عمل کې د پوځ د برخې نه اخیستو پر ضد مظاهره کړې وه.  د جماعت اسلامي د کراچۍ ډویژون مشر امیرحسین محنتي وایي د روانې میاشتې په ۱۳مه نیټه د انتخاباتي کمیشن ددې عمل پر ضد به له سترې محکمې څخه انصاف غواړي.

((سپریم کورټ چې په دې اړه کوم حکم کړی و، په دې ترسره شوې مرحله کې پر هغه هیڅ عمل ونه شو ـ نو ځکه خو د دې عمل څخه هیڅ ګټه ونه شوه او انتخابي فهرستونه  هم هغه شان بوګس او ناسم دي لکه څنګه چې تر دې مخکې و ـ موږ په کراچۍ کې د ناسمو انتخابي فهرستونو  په باب  سپریم کورټ ته تللي و، د هغه کیس اوریدنه دوه ورځې روسته کیږي موږ به د الیکشن کمیشن لخوا د ترسره شوي دې عمل په اړه د سپریم کورټ په وړاندې اوچتوو))

د عوامي نیشنل ګوند سند صوبې مرستیال مشر بشیرجان هم په کراچۍ ښار کې د انتخابي فهرستونو  تصدیقي عمل ته د شک په سترګه ګوري.

(( د سپریم کورټ په فیصله کې ویل شوي و، چې د تصدیقي عمل په دوران کې به پوځ او ایف سي والا د تصدیقي عمل کسانو ته سیکورټي ورکوي ، خو موږ هیچرې پوځیان او ایف سي والا د کراچۍ په کوڅو کې ونه لیدل ، موږ ددې ترسره شوي عمل نه مطمین نه یو))

یاده دې وي دسپریم کورټ په حکم د ټاکنو کمیشن په کراچۍ ښار کې د تیرې یوې میاشتې راهسې د انتخابي فهرستونو  تصدیقي عمل شورو کړی دی ـ سپریم کورټ په خپله فیصله کې د ټاکنو کمیشن ته حکم کړی و چې د انتخابي فهرستونو  د تصدیقي عمل په برخه کې د پوځ او ایف سي له سرتیرو کار واخلي او دغه عمل دې کره او شفاف ترسره کړي ـ

دا هم ولولئ

له فضل وهاب درد سره خبرې او د هغه سندرې

په دې خپرونه کې مو د خیبر پښتونخوا چارسدې له یوه مشر سندرغاړي فضل وهاب (درد) سره خبرې کړې دي. دی وايي، له وړوکتوبه یې موسیقي خوښېده او وروسته یې د کورنۍ په هڅونې د موسیقۍ زده کړې پیل کړې. تفصیل...

اروپا ته د ځوانانو کډوالي: ستونزې او د حل لارې

د ځوانانو غږ نننۍ خپرونه کې دا ځل اروپا ته د ځوانانو پر قانوني او غېر قانوني تګ بحث شوی دی. تفصیل...

Audio په پېښور کې د هنرمندانو ستونزو او پښتو ژبې ودې په اړه غونډه

د هنرمندانو حقونو لپاره کار کوونکی خالد خټک وايي، هڅه یې وکړه چې له کراچۍ د پاکستان یوه نومیالۍ هنرمنده عتیقه اوډو پېښور ته وروغواړي او په دې کې بریالی شو. خټک وايي، فرهنګ ته او کلتوري هلو ځلو ته زیات پام نه ورکول کېږي که نه ریښتیا دا دي چې د ناامنۍ په دې وخت کې د فرهنګي هلو ځلو ډېره اړتیا ده. تفصیل...

ټولنيزو رسنيو کې د پښتنو ځوانانو فعاليتونه او نوې تګلارې

د ځوانانو غږ خپرونه کې دا ځل په ټولنيزو رسنيو په ځانګړې توګه په فېس بُک کې د پښتنو ځوانانو پر فعاليت بحث شوی دی. په دې لړ کې د ټولنې په پرمختګ او تعميري هلو ځلو کې د فېس بُک د فعالينو رول او اغېز ته کتنه شوې ده. تفصیل...

حفیظ مالیار : په مساپرۍ کې هم فرهنګي هلې ځلې کوم

د یارانو مشال ددې اونۍ په خپرونه کې د افغانستان یو مشر او پيژندل شوی شاعر عبدالحفیظ مالیار مېلمه دی. نوموړي څو لسیزې پخوا د افغانستان په لغمان ولایت کې نړۍ ته سترګې غړولي. زدکړې یې په لغمان او کابل کې کړي. کلونه کلونه یې د افغانستان په ملکي او پوځي څ تفصیل...