سه شنبه 1 سپ 2015 سیمه ییزوخت 06:47

پاکستان

پاکستانۍ روپۍ زښته لوېدلې


د پاکستانۍ روپۍ قدر مخ په کمېدو دی او د ګل په ورځ د کاروباري اونۍ له پېلېدو سره سم د یوه امريکايي ډالر نرخ په خلاص مارکېټ کې سلو روپو ته رسېدلی دی.

له مشال رېډيو سره خبرو کې د پېښور يو صراف محمد نسيم خان وويل چې دا وخت د ډالر اخیستو نرخ څه کم سل روپې  او د خرڅ نرخ سل روپۍ او لس پېسو پورې ختلی دی، ده زياته کړه چې په انټر بېنک کې بيا کېدای شي دا نرخ روپۍ يوه نيمه کم وي.

په پاکستان کې د ډالر ارزښت ولې جګ شو.؟ د اقتصادي چارو کارپوه ډاکټر محمد زبېر خان وايي،  تر دې دمه په پاکستان کې د زر مبادله ذخيره دومره وه چې حکومت په هغې د ډالر قدر راټينګ کړی وو خو اوس چې څومره څومره د زرمبادلې ذخيرې کمېږي ډالربه ورسره ګرانېږي او روپۍ به بې قدره کېږي.

ده زياته کړه چې په راتلونکې کې د روپۍ قدر د نور کمېدو امکان هم موجود دی.

د روپۍ قدر کمېدو به په پاکستاني معيشت څه اثر واچوي؟ په دغه اړه له مشال رېډيو سره خبرو کې د معاشي چارو کارپوه او مظفر آباد پوهنتون کې د اقتصادياتو استاد ډاکټر معراج الحق وينا وه چې په دې سره به پر پاکستان قرضه نوره هم سيوا شي او دغه رنګ به په هغې سود هم زيات شي.

د ده په خبره د دې نېغ په نېغه اثر په تېلو هم پريوځي چې ورسره به د امروزه استعمال څيزونه هم ګرانېږي.

ډاکټر معراج الحق زياته کړه چې په داسې حالاتو کې په روانو او راتلونکو ترقياتي منصوبو لګښت سېوا کېږي او ورسره ورسره حکومت د خپل مالي کال بجټ خسارې کمولو له پاره به هم له دغو منصوبو نه پېسې کمې کړي.

د ذکر وړ ده چې وړاندې ورځو کې سټېټ بېنک خپل يو رپورټ کې ويلي وو چې د پاکستان زرمبادله ذخيرو کې څه دپاسه اووه کروړه ډالره کمی راغلی دی چې ورسره موجوده ذخيرې د ديارلس اربه څلورپنځوس کروړه ډالرو نه په کمېدو ديارلس اربه اووه څلوېښت ډالرو ته راغلې، دغه رپورټ کې دا هم ويل شوي وو چې د مارچ په مياشت کې به حکومت نړيوالې مالياتي ادارې IMF ته څه قرضه واپس کړي چې ورسره به ذخيرې نورې هم کمې شي

رياض موسه خېل
مشال رېډيو، اسلام آباد

دا هم ولولئ

Audio په تاریخي ډول ایا د پښتنو جرګې جمهوري وې او که څنګه؟

تاسې به د سوات ریاست له مثال سره واورئ چې په څه ډول وړې وړې جرګې وروسته په لویو جرګو او بیا د یوه نظام او ریاست په بنیاد کښېښودو کې بریالۍ شوې. تاسې به دا هم واورئ چې د پښتنو نورو سیمو جرګې ایا جمهوري وې او که نه؟ تفصیل...

Audio ایا د اسلام اباد پښتنو خامو کورونو ړنګول د ایین سرغړونه وه؟

دې خلکو ته حکومت دوه ورځې وخت ورکړ چې کورونه دې پرېږدي او بیا وروسته ورغلل او د خلکو کورونه یې ړنګ کړل. پر دې مهال د تاوتریخوالي په پېښو کې د هغې سیمې ګڼ اوسېدونکي ژوبل شول او ځېنې پولیسو ونیول او بیا یې ورباندې د ترهګرۍ مخنیوي مقدمې درج کړې. تفصیل...

Audio له سندرغاړي ګل نواز سره خبرې او د هغه سندرې

د ده په خبره، د هنګو اوسېدونکی دی او له هغه ځایه به پېښور ته ورته او له استاد شاه ولي سره شاګرد شو. په هغه وخت کې دی د اتم ټولګي زده کوونکی وو او سبق یې پرېښود. ګل نواز وايي، ده به له شاه ولي استاد سره درې، څلور میاشتې تېرولې او بیا به هنګو ته ولاړ. تفصیل...

Audio نومیالی انځورګر مراد وايي، لومړۍ استاده یې مور وه

مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو. تفصیل...

فیس بک د مینې خورولو لپاره بهترینه وسیله

پښتانه ښکنځل نه خوښوي او نه یې هم په اسانه چاته کوي ، خو په دې وروستیو کې په ټولنیزو رسنیو لکه درواخلئ فیس بک کې داسې ویډیوګانې خپریږي چې ورکې د ډیورنډ د کرښې د دواړو غاړو یو شمیر پښتانه یو بل ته له ویډیو د لارې بد رد وايي او ښکنځل کوي. تفصیل...