یک شنیه 30 اګست 2015 سیمه ییزوخت 14:49

پاکستان

د امن لپاره مو غونډه رابللې. اسفندیار

اسلام آباد: ټول ګوندیز کنفرانس پیل شوi
|| 0:00:00
...  
🔇
X
14.02.2013
نن په اسلام آباد کې د عوامي نېشنل ګوند لخوا رابلل شوي ټول ګوندېزه غونډه یا آل پارټیز کانفرنس شورو شوې چې پکې د هېواد زیاتره سیاسي ګوندونه ګډون کوي. دغونډې د پرانستې پرمهال خپله وېنا کې د عوامي نېشنل ګوند مشر اسفندیارولي خان وویل، دترهه ګرۍ مسله ټول هېواد ته پیښه ده چې د مخ نیوي لپاره به یې ټول سیاسي ګوندونه په شریکه تګلاره وټاکي. له اسلام اباده د ریاض موسا خېل ویډيو
اسلام آباد: ټول ګوندیز کنفرانس پیل شو

د اسلام آباد په یوه مقامي هوټل کې د عوامي نېشنل ګوند لخوا د تره ګرۍ خاتمې او امن بحالۍ تر سر لیک لاندې ټول ګونديزه غونډه پیل شوه.

د غونډې تر  پېلېدو مخکې د عوامي نېشنل ګوند مشر اسفنديار ولي خان مشال رېډيو ته وويل چې اوس به ټول ګوندونه په يو خبره راغونډېږي چې څنګه په سيمه او ملک کې امن راوړل شي.

د اې اېن پي یوې پارلماني غړې بشره ګوهر مشال رېډيو ته د کنفرانس د تفصيلاتو په اړه  وويل چې د غونډې مقصد دا نه دی چې په ټولو ګوندونو دې خپله خبره ومنل  شي بلکې ټولو ګوندونو ته دا موقع ورکول دي چې د ترهګرۍ خاتمې لپاره خپله خپله خبره وکړي او په يوه نقطه راټول شي.

له مشال رېډيو سره په خبرو کې د مسلم ليګ ن یو مرکزي مشر  اقبال ظفر جګړا وویل، چې دوی به ګوري په غونډه کې کومې خبرې مخې ته راځي او عوامي نېشنل ګوند څه تجويزونه راوړي د هغې روستو به خپله راییه  ورکوي.

دغه رنګ د قومي وطن پارټۍ غړې مېرمن انيسه زېب طاهر خېلي وينا وه چې بايد دا غونډه پنځه کاله وړاندې رابلل  شوې وای. د دې په خبره دوی ځینې  اندېښنې لري او هغه به په غونډه کې مخې ته ږدي.

بلخوا  د سني اتحاد کونسل مشر صاحبزاده فضل کريم وايي، هیڅکله باید له طالبانو سره  مذاکرات ونه شي. ده زياته کړه چې دې خلقو سره وړاندې هم په سوات کې خبرې او لوظنامې شوې وې او د هغې څه خاص نتيجې نه دي رامخ  ته شوې او دا ځل هم کېدای  شي،  طالبان د مذاکراتو په ترڅ کې خپل ځان مضبوطول غواړي.

د ده په خبره که طالبانو سره خبرې اترې کېږي نو دې جنګ کې د وژل  شویو څلوېښت زره کسانو خون به د چا په غاړه وي.

په غونډه کې د مسلم ليګ ن، مسلم ليګ ق، جميعت علما اسلام، پښتونخواملي عوامي ګوند او دغه رنګ نورو اوويشت سياسي ګوندونو مشرانو او غړو ګډون لرلو، خو جماعت اسلامي او تحريک انصاف په دې کې له ګډون کولو  انکار کړی دی.

رياض موسه خېل

مشال رېډيو ، اسلام آباد

دا هم ولولئ

Audio په تاریخي ډول ایا د پښتنو جرګې جمهوري وې او که څنګه؟

تاسې به د سوات ریاست له مثال سره واورئ چې په څه ډول وړې وړې جرګې وروسته په لویو جرګو او بیا د یوه نظام او ریاست په بنیاد کښېښودو کې بریالۍ شوې. تاسې به دا هم واورئ چې د پښتنو نورو سیمو جرګې ایا جمهوري وې او که نه؟ تفصیل...

Audio ایا د اسلام اباد پښتنو خامو کورونو ړنګول د ایین سرغړونه وه؟

دې خلکو ته حکومت دوه ورځې وخت ورکړ چې کورونه دې پرېږدي او بیا وروسته ورغلل او د خلکو کورونه یې ړنګ کړل. پر دې مهال د تاوتریخوالي په پېښو کې د هغې سیمې ګڼ اوسېدونکي ژوبل شول او ځېنې پولیسو ونیول او بیا یې ورباندې د ترهګرۍ مخنیوي مقدمې درج کړې. تفصیل...

Audio له سندرغاړي ګل نواز سره خبرې او د هغه سندرې

د ده په خبره، د هنګو اوسېدونکی دی او له هغه ځایه به پېښور ته ورته او له استاد شاه ولي سره شاګرد شو. په هغه وخت کې دی د اتم ټولګي زده کوونکی وو او سبق یې پرېښود. ګل نواز وايي، ده به له شاه ولي استاد سره درې، څلور میاشتې تېرولې او بیا به هنګو ته ولاړ. تفصیل...

Audio نومیالی انځورګر مراد وايي، لومړۍ استاده یې مور وه

مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو. تفصیل...

فیس بک د مینې خورولو لپاره بهترینه وسیله

پښتانه ښکنځل نه خوښوي او نه یې هم په اسانه چاته کوي ، خو په دې وروستیو کې په ټولنیزو رسنیو لکه درواخلئ فیس بک کې داسې ویډیوګانې خپریږي چې ورکې د ډیورنډ د کرښې د دواړو غاړو یو شمیر پښتانه یو بل ته له ویډیو د لارې بد رد وايي او ښکنځل کوي. تفصیل...