پنجشنبه 3 سپ 2015 سیمه ییزوخت 17:51

افغانستان

امريکا له ننګرهار سره د پروژو ژمنې کړې



بازمحمد عابد مشال راډيو

جلال اباد:ـ د امريکې سفير جميز بي کنينګم د پنجشنبې يا زيارت په ورځ  د ننګرهار له والي ګل اغا شيرزی  سره په ګډه په يوه مطبوعاتي کنفرانس کې د خپلو تيرو مرستو د يادولو تر څنګ په  راتلونکې کې د مرستو د جاري ساتلو ژمنې وکړې

دغه مطبوعاتي کنفرانس ته د ننګرهار والي ګل اغا شيرزي وويل چې د ننګرهار د پرمختيا لپاره يې د امريکې سفير ته وړانديزونه وکړل او ډاډ يې ورکړ چې امريکا به افغانان هيڅکله يوازې پرې نه ږدي.

« د ننګرهار او د مشرقي زون د هغو ستونزو په رابطه د ننګرهار د خلکو په استازيتوب  د امنيت پر برخه کې د اقتصاد د پياوړتيا په برخه کې او همدارنګه د زيربينايي پروژو د ورکولو په رابطه او د ننګرهار د يوه ښه حکومتدارۍ په رابطه موږ خپل مشکلاتونه او وړانديزونه ورته وړاندې کړل او دوی هم موږ ته دا ډاډ راکړ چې افغانان به دوی هيڅکله يوازې پرېنږدی.»

د امريکا سفير جميز بي کنينګم په ننګرهار کې د تيرو کلونو د مرستو د يادونې په ترڅ کې د نويو مرستو ژمنه وکړه. ده وويل:

« دلته په ننګرهار کې يوازې د امريکا خلکو د پنځه سوه پنځه ديريش ميلونو ډالرو څخه زياته پانګونه کړې او په سلګونه پروژې يې پلي کړي دي.  د پرمختيايي يا بيا رغونې پروګرامونو په اړه بايد ووايم لکه څرنګه چې ما والي صيب سره هم خبرې وکړې، موږ به په څو سکتورونو باندې کار کوو چې يو هم په کې بريښنا ده چې بايد کچه يې لوړه شي.لکه څنګه چې موږ د انتقال پروسه پر مخ بيايو، موږ غواړو چې زياته توجو د افغانانو د ظرفيت په لوړولو باندې وکړو، تر څو خپله افغانان وکولای شي چې خپل ستونزې هوارې کړي.»

د امريکې سفير جميز بي کنينګم زياته کړه چې د افغانستان د راتلونکې ولسمشرۍ ټولټاکنو کې به خپلې مرستې او همکاري جاری وساتي چې د شفافو ټاکڼو له لارې افغانان خپل ولسمشر وټاکي.

دا هم ولولئ

Audio په تاریخي ډول ایا د پښتنو جرګې جمهوري وې او که څنګه؟

تاسې به د سوات ریاست له مثال سره واورئ چې په څه ډول وړې وړې جرګې وروسته په لویو جرګو او بیا د یوه نظام او ریاست په بنیاد کښېښودو کې بریالۍ شوې. تاسې به دا هم واورئ چې د پښتنو نورو سیمو جرګې ایا جمهوري وې او که نه؟ تفصیل...

Audio ایا د اسلام اباد پښتنو خامو کورونو ړنګول د ایین سرغړونه وه؟

دې خلکو ته حکومت دوه ورځې وخت ورکړ چې کورونه دې پرېږدي او بیا وروسته ورغلل او د خلکو کورونه یې ړنګ کړل. پر دې مهال د تاوتریخوالي په پېښو کې د هغې سیمې ګڼ اوسېدونکي ژوبل شول او ځېنې پولیسو ونیول او بیا یې ورباندې د ترهګرۍ مخنیوي مقدمې درج کړې. تفصیل...

Audio له سندرغاړي ګل نواز سره خبرې او د هغه سندرې

د ده په خبره، د هنګو اوسېدونکی دی او له هغه ځایه به پېښور ته ورته او له استاد شاه ولي سره شاګرد شو. په هغه وخت کې دی د اتم ټولګي زده کوونکی وو او سبق یې پرېښود. ګل نواز وايي، ده به له شاه ولي استاد سره درې، څلور میاشتې تېرولې او بیا به هنګو ته ولاړ. تفصیل...

Audio نومیالی انځورګر مراد وايي، لومړۍ استاده یې مور وه

مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو. تفصیل...

فیس بک د مینې خورولو لپاره بهترینه وسیله

پښتانه ښکنځل نه خوښوي او نه یې هم په اسانه چاته کوي ، خو په دې وروستیو کې په ټولنیزو رسنیو لکه درواخلئ فیس بک کې داسې ویډیوګانې خپریږي چې ورکې د ډیورنډ د کرښې د دواړو غاړو یو شمیر پښتانه یو بل ته له ویډیو د لارې بد رد وايي او ښکنځل کوي. تفصیل...

مهم موضوعات