شنبه 5 سپ 2015 سیمه ییزوخت 17:14

پاکستان

د امن لپاره د ټول ګوندیز کانفرنس ګډه اعلامیه




په اسلام آباد کې د عوامي نېشنل ګوند د مشر اسفندیار ولي خان له لوري رابلل شوي ټول ګوندیز کنفرانس نن د زیارت ورځ پر دې هوکړه وکړه چې له هغه طالب اورپکو سره دې د روغې جوړې خبرې وشي چې د پاکستان قانون او آیین منلو ته تیار دی.

په کانفرنس کې ګډونوالو ټولو سیاسي او مذهبي ګوندونو  دعوامي نېشنل پارټۍ مشر اسفندیار ولي خان وستایلو چې د دوی ګوند د امن لپاره ټول ګوندیز کانفرنس رابللی او دا یې یو وړ ګام بللی دی.

د کانفرنس ګډوالو ویلي چې د اورپکیتوب او تاوتریخوالي ناسو یواځې د یوه ګوند او یوې صوبې ستونزه نه دبه بلکې د ټول هېواد مسله ده. او د ملک پرمختګ او پایښت تر هغو نه شي رامنح ته کېدای چې دا ستونزه نه وي حل شوي.

په ملک کې د جمهوري نظام استحکام د دغه ستونزې په هوارولو کې مرسته کولای شي.

په ټول ګوندیز کانفرنس کې پر دې لاندنیو نکاتو مکمل اتفاق وښودل شو.

۱- په ملک کې د امن راوستو اړتیا ده، چې د قېمتي ځانونو زیان ودورل شي او د ملک د استحکام  او ټولنیز پرمختګ لپاره یې ضرورت دی.

۲-  وینه په وینه نه وینځل کېږي د دې لپاره د امن راوستو ته لومړیتوب په کار دی.

۳-  د ترهګرۍ ستونزې  سوله ییز حل باید د پاکستاني ریاست د ایین او قانون او د ملکي سلامتۍ او ملي حاکمییت د خوندیتوب په چوکاټ کې راووېستل شي.

ټول ګوندیز کانفرنس په فاټا کې د امن راوستو په موخه د لویې جرګې هڅې د ستایلو وړ بولي.  او د فاټا استازیو او ولس ته دا ډاډګېرنه ورکوي چې په کانفرنس کې شریک ټول ګوندونه د امن لپاره د دوی د هڅو بشپړ ملاتړ کوي.

ټول ګوندیز کانفرنس په ترهګرۍ کې له وژل شویو کورنیو سره خبله خواخوږي ښيي او د سیاسي مشرتابه او د سیاسي کارکنانو سرشیندنو او قربانیانو ته په درنه سترګه ګوري، او پیرزوینې ورته وړاندې کوي.

کانفرنس له مرکزي او صوبايي حکومتونو څخه غوښتنه کوي چې د شهېدانو او ټپیانو له کورنیو سره دې د پیسو مرستې ورکړل شي. او د ټولو بې کوره شویو خلکو  ستونزو ته دې پام واړول شي. او د دوی په سیمو کې دې د امن راوستو لپاره باید کوټلي ګامونه واخیستل شي، چې دغه ډول بې کوره شوي خلک په عزت و وقار  سره خپلو سیمو ته ستانه شي.

دا هم ولولئ

Audio په تاریخي ډول ایا د پښتنو جرګې جمهوري وې او که څنګه؟

تاسې به د سوات ریاست له مثال سره واورئ چې په څه ډول وړې وړې جرګې وروسته په لویو جرګو او بیا د یوه نظام او ریاست په بنیاد کښېښودو کې بریالۍ شوې. تاسې به دا هم واورئ چې د پښتنو نورو سیمو جرګې ایا جمهوري وې او که نه؟ تفصیل...

Audio ایا د اسلام اباد پښتنو خامو کورونو ړنګول د ایین سرغړونه وه؟

دې خلکو ته حکومت دوه ورځې وخت ورکړ چې کورونه دې پرېږدي او بیا وروسته ورغلل او د خلکو کورونه یې ړنګ کړل. پر دې مهال د تاوتریخوالي په پېښو کې د هغې سیمې ګڼ اوسېدونکي ژوبل شول او ځېنې پولیسو ونیول او بیا یې ورباندې د ترهګرۍ مخنیوي مقدمې درج کړې. تفصیل...

Audio له سندرغاړي ګل نواز سره خبرې او د هغه سندرې

د ده په خبره، د هنګو اوسېدونکی دی او له هغه ځایه به پېښور ته ورته او له استاد شاه ولي سره شاګرد شو. په هغه وخت کې دی د اتم ټولګي زده کوونکی وو او سبق یې پرېښود. ګل نواز وايي، ده به له شاه ولي استاد سره درې، څلور میاشتې تېرولې او بیا به هنګو ته ولاړ. تفصیل...

Audio نومیالی انځورګر مراد وايي، لومړۍ استاده یې مور وه

مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو. تفصیل...

فیس بک د مینې خورولو لپاره بهترینه وسیله

پښتانه ښکنځل نه خوښوي او نه یې هم په اسانه چاته کوي ، خو په دې وروستیو کې په ټولنیزو رسنیو لکه درواخلئ فیس بک کې داسې ویډیوګانې خپریږي چې ورکې د ډیورنډ د کرښې د دواړو غاړو یو شمیر پښتانه یو بل ته له ویډیو د لارې بد رد وايي او ښکنځل کوي. تفصیل...