سه شنبه 1 سپ 2015 سیمه ییزوخت 21:06

پاکستان

کارپوهان وايي پاکستان کې شیعه ګان ډیر وژل کیږي

انیسه اجمل

په بلوچستان کې د شیعه کانفرانس مشر اشرف زیدي د اتوار په ورځ مشال راډیو ته ویلي چې دوی به د احتجاج په ډول د تیرې ورځې په چاودنه کې له منځه تللي پنځه اتیا کسان خاورو ته نه سپاري.
 

بل پلو، د بلوچستان ګورنر نواب ذوالفقار علي مګسي هم ویلي چې د کویټې په هزارګانو ترهګر برید د پاکستان د امنیتې ادارو ناکامي ده.نوموړي دا خبري د اتوار په ورځ  د کویټې د هزاره ټاون د چاودنې متاثره شوې هزاره ګانو سره د لیدو روستو کړې دي.

دسیاسي چارو کارپوهان هم وايي چې بلوچستان کې امنیتي وضع د ورځ په تیریدو سره مخ په خرابیدو ده، کارپوه اسد منیر وایي ، د پاکستان اولس په دوو برخو کې تقسیم شوی ، او زیاتره ډلې د مذهب په نوم خپلې ګټې ترسره کوي او د مذهب څخه په غلطه توګه استعمال کوي.

(( په پاکستان کې خلک په دوو حصو کې تقسیم شوي ، مذهبي ډلې چې څه هم کوي څوک ورته هیڅ نه وایي او نه یې څوک پر ضد خبره کولی شي ، پاکستان کې چې کله چاودنه یا څه بله پیښه وشي نو موږ یې تور د نورو هیوادونو په استخباراتې ادارو لګوو ، خو اصل کې دا هر څه زموږ خلک پخپله کوي او تر څو چې زموږ خلک په دې نه وي پوه شوي چې دا ترهګر فعالیتونه نور موږ لپاره خطر دي نو بیا به هله پوځ او نورې امنیتي ادارې د ترهګرۍ پر ضد څه کولی شي. ))

بلخوا د پاکستان  د بشري حقونو د کمیشن یو مشر غړی شیر محمد خان وایي ، په ټولنه کې له اقلیتونو سره ښه سلوک نه کیږي او حکومت هم ورته پوره حقونه نه دي ورکړي.

((شیعه ګان او سنیان دواړه مسلمانان دي خو موږ ته داسې تاثر راکړل شوی چې د بلې فرقي خلک مسلمانان نه دي ، په نورو هیوادونو کې د ګڼو مدهبونو خلک دي خو هلته خلکو کې برداشت هم وي . بل که ځه سني یم نو دا خو زما د مور پلار د وجې ځه یم ، دغسي شیعه ګانو ته د هغوی مذهب په وراثت کې ملاو شوی ،نو د فرقه واریت په بنیاد د چا وژنه ډیر بد کار دی.))

په پاکستان کې د شیعه لږکیو خلاف په دې وروستیو کې بریدونه زیات شوي دي.
 

دا هم ولولئ

Audio په تاریخي ډول ایا د پښتنو جرګې جمهوري وې او که څنګه؟

تاسې به د سوات ریاست له مثال سره واورئ چې په څه ډول وړې وړې جرګې وروسته په لویو جرګو او بیا د یوه نظام او ریاست په بنیاد کښېښودو کې بریالۍ شوې. تاسې به دا هم واورئ چې د پښتنو نورو سیمو جرګې ایا جمهوري وې او که نه؟ تفصیل...

Audio ایا د اسلام اباد پښتنو خامو کورونو ړنګول د ایین سرغړونه وه؟

دې خلکو ته حکومت دوه ورځې وخت ورکړ چې کورونه دې پرېږدي او بیا وروسته ورغلل او د خلکو کورونه یې ړنګ کړل. پر دې مهال د تاوتریخوالي په پېښو کې د هغې سیمې ګڼ اوسېدونکي ژوبل شول او ځېنې پولیسو ونیول او بیا یې ورباندې د ترهګرۍ مخنیوي مقدمې درج کړې. تفصیل...

Audio له سندرغاړي ګل نواز سره خبرې او د هغه سندرې

د ده په خبره، د هنګو اوسېدونکی دی او له هغه ځایه به پېښور ته ورته او له استاد شاه ولي سره شاګرد شو. په هغه وخت کې دی د اتم ټولګي زده کوونکی وو او سبق یې پرېښود. ګل نواز وايي، ده به له شاه ولي استاد سره درې، څلور میاشتې تېرولې او بیا به هنګو ته ولاړ. تفصیل...

Audio نومیالی انځورګر مراد وايي، لومړۍ استاده یې مور وه

مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو. تفصیل...

فیس بک د مینې خورولو لپاره بهترینه وسیله

پښتانه ښکنځل نه خوښوي او نه یې هم په اسانه چاته کوي ، خو په دې وروستیو کې په ټولنیزو رسنیو لکه درواخلئ فیس بک کې داسې ویډیوګانې خپریږي چې ورکې د ډیورنډ د کرښې د دواړو غاړو یو شمیر پښتانه یو بل ته له ویډیو د لارې بد رد وايي او ښکنځل کوي. تفصیل...