جمعه 29 مې 2015 سیمه ییزوخت 02:50

بلوچستان

کوټه: ۱۱۳ مړي خاور ته وسپارل شول


 
په کوټه کې د اهل تشع احتجاجیانو نن د شورو پر ورځ  د علي اباد سیمې په چاودنه کې وژل شوي ۱۱۳ مړي خاورو ته سپارلي دي.
 
تردې وړاندي د هزاره ټاون په هيديرې کې د پولیسو له خوا په احتجاج کوونکو ډزي هم شوې، خو بیا وروسته د مړيو خاورو ته سپارل يو ځل بیا پيل شو. او تر اویا زیات مړي خاورو ته سپارل شوي دي.
 
تیره ورځ د پاکستان د وزیراعظم راجا پرویز اشرف په هدایت کوټې ته ورغلي شپږ کسیزه پلاوي د اهل تشیع مشرانو سره ملاقات وکړه . د پاکستان د اطلاعاتو وزیر قمر زمان کایره پرون د نهې پر ورځ  له رسنیو سره په خبرو کې وویل ، دوی شیعه مسلک سره تعلق لرونکو مشرانو سره د غوښتنو په اړه تفصیلې خبري کړي . خو له خبري کانفرنسه وروسته  د وژل شویو کسانو کورنیو له پرلت یا دهرنې او د مړیو له ښخولو انکار کړی وو. دوی غوښتنه کوله چې د کوټې ښار دې پاکستاني پوځ ته وسپارل شي او د ترهګرو خلاف دې کوټلی ګام پورته کړل شي.

تر دې وړاندې


په کوټه کې اهل تشیع له څلور ورځو راهیسي له مړيو سره احتجاج ختم کړ. د کوټي د یکجهتي کونسل مشر علامه امین شهیدي د احتجاج د ختمېدو د اعلان په وخت وویل؛ تر ډېره ځايه ددوي غوښتنې منل شوې، په ښار کې له شپې راهیسي هدفي  اپریشن پيل شوی دی. د پاکستان د اطلاعاتو وزیر قمر زمان کایره، د بلوچستان ګورنر ذوالفقار مګسي او ځينې نور چارواکيو د اهل تشیع له مشرانو سره په هزاره ټاون کې په يوه ګډ خبری کنفرانس کې نه يواځې په کوټه کې بلکې په ټول پاکستان کې د احتجاج د ختمېدو اعلان وشو.

 قمر زمان کایره  د وحدت المسلمین له مشر امین شهیدي او د هزاره ټولنې مشر سردار سعادت هزاره سره یوځای خبري کانفرنس ته وويل چې له هزاره ټولنې سره یې خبرې اترې کامیابه شولې او د هغوی غوښتنې ومنل شوې.

د ده په خبره چې د هغوی له غوښتنو سره سم یې د مطلوبه کسانو پر ضد لا د وړاندې عملیات پیل کړي  دي او د ده په خبره چې نن د نهې پر ورځ د امنیتي ځواکونو له خوا څلور مطلوبه ترهګر ووژل شول او خوا و شا ۱۷۰ مشکوک کسان یې نیولي دي.

کایره زیاته کړه چې د هزاره ګانو په سیمو کې به د ټولنیز پولیس نظام متعارفوي او د وژل شویو خلکو د کورنیو کسانو ته به نوکریانې ورکوي چې د دوی د نه ازاله کېدونکي زیان یو څه جبران یا تلافي وشي. 

د وحدت المسلیمن مشر امین شهیدي  هم په کانفرنس کې وویل چې د دوی اکثره مطالبې ومنل شوې او د پاکستان په لروبر کې د هزاره وګړو د وژنو پر ضد د روان پرلت یا  دهرنو ختمولو اعلان وکړ. او زیاته یې کړه چې د خپلمنځي مشورو وروسته به د وژل شویو ۱۱۳ کسانو مړي نن شپه یا سبا ګهیځ  خاور ته وسپارل شي.

دا هم ولولئ

له خیال ګل نسیم سره خبرې او د هغه سندرې

د نسیم په خبره، استاد یې ورته ویلي ول چې باید د پښتو غزل او پښتو سندرو ته زیاته توجه ورکړي. دی وايي، تر اوسه یې درې البمونه خپاره شوي دي چې پکې یې د معیاري شاعرۍ انتخاب کړی دی. تفصیل...

ثنا اعجاز او اصغر پښتونیار د تعلیم مبارزان

دا اونۍ د ځوانانو غږ خپرونه کې ثنااعجاز او اصغر پښتونیار مېلمانه وو. ثنا اعجاز د پېښور ده او د ټولنیزو او بشري حقونو لپاره له تیرې یوې مودې راهیسې مبارزه کوي. نوموړې وايي دوی په خپله تفصیل...

Audio د پېښور د رباب زده کړو مرکز

په دې خپرونه کې مو درته په پېښور کې د رباب زده کړې یوه مرکز پرانیستو موضوع راوړې. په پېښور کې نومیالی رباب غږوونکی وقار اتل وايي، لومړی استاد یې صاحب ګل دی او بیا وروسته یې له سیدا ګل مینا استاده زده کړې وکړې. تفصیل...

په پښتونخوا کې د پسرلنۍ مشاعرو ارزښت او ګټې

د ده په خبره، ښايي د دې لامل دا وي چې پښتانه او پښتنې سیمې له ناامنۍ سره مخامخ دي او داسې ښکاري چې اوس حالات څه نا څه سم شوي دي نو ځکه دا ډول پسرلنۍ مشاعرې هم زیاتې شوې دي. تفصیل...

د ځوان طارق افغان مبارزه

په ځوانانو غږ خپرونه کې مو دا ځل د عوامي نشنل ګوند د زده کونکو د سازمان يو مشر طارق افغان ميلمه دی. نوموړی د ټول پاکستان د ترقي پسند ځوانانو د اتحادې د خېبر پښتونخوا د څانګې يو منتظم هم دی. تفصیل...