جمعه 28 اګست 2015 سیمه ییزوخت 02:21

پاکستان

کراچۍ کې هم د بلوڅانو خراب مړي موندل کېږي


ظفر کریمي مشال ریډیو

کراچۍ : د ورکو شوو بلوڅانو لپاره د چلېدونکي تحریک مشر قدیر بلوچ وایي، کراچۍ ښارته له  بلوچستانه د ورکډه شویو بلوڅانو د  تري تم کېدو یا ورکیدو لړۍ پېل شوې ده ـ

د دې ترڅنګ په دې ښار کې د بلوچستان څخه د تریتم شوو کسانو مسخ شوو مړو د موندلو لړۍ هم شورو شوې ده.

  له مشال راډیو سره په خبرو کې قدیر بلوچ وویل، د کراچۍ له سرجاني ټاونه د تېرې یوې نېمې میاشتې په موده کې له بلوچستانه د تريتم شویو ۷ بلوڅانو خراب شوي مړي موندل شوي دي ـ

((دا خلک د تربت، کوټې، خضدار او نورو علاقو نه پورته کیږي، کراچۍ ته راوړل کیږي او دلته د تفتیش وروسته هغوی وژل کیږي او مړي يې غورځول کیږي ـ وړمه ورځ موږ ته دوه نورمړي میلاو شو -  له دې سره په تېره یوه نیمه میاشت کې له کراچۍ نه د بلوچستان د موندل شوو مړو شمیر ۷ تنو ته ورسېد))

د قدیر بلوچ په خبره درې ورځې مخکې چې د کومو دوه بلوڅانو مړي موندل شوي دي،دوی د اکتوبر په میاشت کې د بلوچستان له تربته پورته کړل شوي ول ـ

یاده دې وي د کراچۍ ښار په بیلا بیلو برخو کې له تېرې اوږدې مودې راهیسې د نامالومه وسله والو لخوا د وژل شوو کسانو د مړو د موندنې سلسله راروانه ده ، خو په مبینه توګه له بلوچستانه د ورکو شویو کسانو د مړو د موندنې پېښې له یادې شوې مودې مخکې کله مخې ته نه دي راغلي ـ

د سرجاني ټاون د پولیس مشر اعجاز راجپر وایي، د دوی د تاڼې له حدودو وخت په وخت مړي پولیسو ته په لاس ورځي ، څو ورځې مخکې د نعمت الله او اختر علي بلوچ مړي په لاس ورغلي ول، چې د پیژندګلو وروسته یې دواړه مړي وارثانو ته وسپارل.

((زموږ په سېمه کې زیات مړي غورځول کیږي ، یو خو زموږ علاقه زیاته ده، بل دلته ځنګل او دشته ده ـ او بل دلته نزدې دنادرن بای پاس سړک دی ـ دلته مړي موندل کیږي خو زه دا نه شم ویلې چې دلته د ورکو شویو کسانو مړي موندل کیږي ))

قدریر بلوچ زیاتوي په تېرو لسو ورځو کې دبلوچستان څخه کراچۍ ته راغلي ۵ بلوچان د ښار  له ریس ګوټ، ډالمیا او ګلشن معمار څخه پورته کړل شوي دي ـ

((د بلوچستان له تربت او نورو سیمو څخه  ځینې کسان کراچۍ ته د سبق ویلو لپاره ځي ـ لس ورځې مخکې د ریس ګوټ نه د تربت ۳ طالبعلمان پورته کړل شول، یو تن د ډالمیا او یو بلوچ سپینږیرۍ د ګلشن معمار نه اوچت کړل ش. اوس چې د بلوچستان څخه کوم بلوڅان کراچۍ ته ځي ، هغوی وړل کیږي او تفتیش ترې کیږي ـ مخکې په بلوچستان کې بلوڅان محفوظه نه ول، اوس په سند او کراچۍ کې هم محفوظ iنه دي ))

د بلوڅ تريیم کسانو لپاره غږ ( وایس فار بلوچ مسنګ پرسن) د مرستیال مشر قدیر بلوچ ادعا کوي چې د کراچۍ بلوڅان هم د خپلو حقونو د ترلاسه کولو په موخه راوچت شوي دي او د کراچۍ څخه د بلوچستان د بلوڅانو د ورکیدو او د هغوي د مړو ترلاسه کیدل د کراچۍ د بلوڅانو د ویرولو په موخه ترسره کیږي ـ

که څه هم قدیر بلوچ په دغو ټولو پېښو تور د پاکستان د استخباراتي ادارو او ایف سي ځواکونو لګوي، خو یادو دواړو ادارو تل دغه تورونه رد کړي دي.

دا هم ولولئ

Audio په تاریخي ډول ایا د پښتنو جرګې جمهوري وې او که څنګه؟

تاسې به د سوات ریاست له مثال سره واورئ چې په څه ډول وړې وړې جرګې وروسته په لویو جرګو او بیا د یوه نظام او ریاست په بنیاد کښېښودو کې بریالۍ شوې. تاسې به دا هم واورئ چې د پښتنو نورو سیمو جرګې ایا جمهوري وې او که نه؟ تفصیل...

Audio ایا د اسلام اباد پښتنو خامو کورونو ړنګول د ایین سرغړونه وه؟

دې خلکو ته حکومت دوه ورځې وخت ورکړ چې کورونه دې پرېږدي او بیا وروسته ورغلل او د خلکو کورونه یې ړنګ کړل. پر دې مهال د تاوتریخوالي په پېښو کې د هغې سیمې ګڼ اوسېدونکي ژوبل شول او ځېنې پولیسو ونیول او بیا یې ورباندې د ترهګرۍ مخنیوي مقدمې درج کړې. تفصیل...

Audio له سندرغاړي ګل نواز سره خبرې او د هغه سندرې

د ده په خبره، د هنګو اوسېدونکی دی او له هغه ځایه به پېښور ته ورته او له استاد شاه ولي سره شاګرد شو. په هغه وخت کې دی د اتم ټولګي زده کوونکی وو او سبق یې پرېښود. ګل نواز وايي، ده به له شاه ولي استاد سره درې، څلور میاشتې تېرولې او بیا به هنګو ته ولاړ. تفصیل...

Audio نومیالی انځورګر مراد وايي، لومړۍ استاده یې مور وه

مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو. تفصیل...

فیس بک د مینې خورولو لپاره بهترینه وسیله

پښتانه ښکنځل نه خوښوي او نه یې هم په اسانه چاته کوي ، خو په دې وروستیو کې په ټولنیزو رسنیو لکه درواخلئ فیس بک کې داسې ویډیوګانې خپریږي چې ورکې د ډیورنډ د کرښې د دواړو غاړو یو شمیر پښتانه یو بل ته له ویډیو د لارې بد رد وايي او ښکنځل کوي. تفصیل...