سه شنبه 21 اکت 2014 سیمه ییزوخت 15:20

خیبر پښتونخوا / قبایلي سیمې

"مولوي فقیر راوسپارۍ"

دا مولوي فقیر محمد دی، چې په باجوړ کې د طالبانو کمندان وو.
دا مولوي فقیر محمد دی، چې په باجوړ کې د طالبانو کمندان وو.

نن په اسلام آباد کې په هفته واره خبري غونډه کې د خبرو په وخت د پاکستان د خارجه دفتر ویاند معظم احمد خان اوویل چې تېره شپه د افغانستان د خارجه چارو وزیر زلمي رسول او د پاکستان خارجه چارو وزیری حنا رباني کهر په ټيلي فوني خبرو کې د فقیر محمد د نیول کېدو پخلی وکړ. او پاکستان له افغان حکومته د هغه د ورسپارلوغوښتنه کړې.

نوموړي وویل،

((زلمي رسول حنا رباني کهر ته د مولوي فقیر محمد د نیونې په حقله معلومات ورکړل. پاکستان د افغانستان لخوا د معلوماتو د ورکولو   مننه کوي چې په اصل کې دا د دواړو هیوادونو تر مینځ مخ په زیاتیدونکي همکاري او باور ښيي. خارجه وزیری دا هیله هم څرګنده کړه چې څومره زر ممکن وي هغه به ورته و سپارل شي.)) 

دا په داسې حال کې ده چې د ګل په ورځ یو نا څرګنده افغان چارواکي رسنیو ته ویلي وو چې مولوي فقیر محمد د ننګرهار ولایت په مومندره ولسوالۍ کې نیول شوی دی.

په پېښور کې رحیم الله یوسفزۍ وايي، که څه هم پاکستان د مولوي فقیر محمد د ورسپارلو غوښتنه کوي خو د ده په تر اوسه  پاکستان و افغان حکومت ته په خپل ملک کې هیڅ خوشی شوی طالب نه دی سپارلی نو دا په راتلونکې کې مالومه شي چې د مولوي فقیر محمد د ورسپالو غوښتنه څومره عملي کېږي. 

فقیر محمد د یوه کمندان په توګه:

رحیم الله یوسفزۍ وايي، کله چې په ۲۰۰۷م کال په ډسمبر میاشت د طالبانو مشر بیت الله مسید (مسود، محسود) د تحریک طالبان پاکستان په نامه خپله ډله جوړه کړه. نو هغه بیلا بېل تنظیمونه سره را ټول کړل نو هغه وخت یې په بانیانو کې مولوي فقیر محمد هم شامل وو. کله چې ګل بهادر او مولوي نذیر په دغه تحرک کې له شامېلېدو انکار وکړ  نو مولوي فقیر محمد یې د خپل تحریک نایب کړ. دی په بیت الله مسید پسې دویم مهم کس وو. مخکې په نفاذ شریعت محمدي کې له ملا صوفي محمد سره هم پاته شوی وو. خو په باجوړ کې د دوی تر مینځ اختلاف پیدا شولو. له ده ډېر کسان جلا شولو  او تور ورباندې ولګېدلی چې له طالبانو سره په رابطه کې وو. نو دا وو چې بیا یې دی له خپلې چوکۍ لرې کړ او په دې سره یې اهمیت هم کم شو.