یک شنیه 30 اګست 2015 سیمه ییزوخت 08:31

بلوچستان

کوټه: د لشکر جهنګوي د غړيو په وژنه لاریون

د پنجاب په رحیم یار خان کې د لشکر جهنګوي غړي د خپل مشر ملک اسحاق د کور ساتنه کوي ۰۹ اکتوبر ۲۰۱۲م کال
د پنجاب په رحیم یار خان کې د لشکر جهنګوي غړي د خپل مشر ملک اسحاق د کور ساتنه کوي ۰۹ اکتوبر ۲۰۱۲م کال
 

په کوټه کې د ملیشه ځواکو سرچینو د نوم او ږغ نه خپرولو په شرط مشال راډيو ته ویلي؛ ددوي ځواکونو د د پنجشنبې او جمعې په منځنۍ شپه د کوټې په نوي کلي کې د عملیاتو په ترڅ کې دوه ترهګر وژلي او څلور نور يې ژوندي نیولي دي . د دوی په وینا د ترهګرو په ځوابي ډزو کې د ځواکونو څلور سرتیري هم ژوبل شوي دي.

د ملیشه ځواکونو سرچینې زیاتوي؛ وژل شويو دواړو کسانو له وسله والې ډلې لښکرجهنګوي سره تړاو درلود. او هم ځکه په نخښه شوو؛.تر پېښي وروسته د وژل شوي کسانو د کورنۍ غړيو د اهل سنت والجماعت له ګڼو کارکوونکو سره احتجاج پېل کړی. او غوښتنه کوي، چې د ملیشه ځواکونو مشر دې بدل او په پېښه کې ککړ سرتیري دې ونیول شي. د وژل شويو کسانو کورنۍ بیا وايي؛ وژل شوي ځوانان په هیڅ قسم د ترهګرۍ په پېښو کې ککړ نه وو.  د يوه وژل شوي کس پلار عطامحمد د دې پېښي په هکله مشال راډيو ته وویل

؛ دشپې شاوخوا درې یا درېنیمي بجې وې، چې په کور کې مي شر شور شو، زه چې ور ووتم، نو د ملیشې والا مي په کور کې دننه ولاړ وو، وروسته يې زما د کور تالاشي وکړه. او زما يو زوي يې يووړ. تر دې وروسته ډزې هم وشوې، خو موږ بیا سهار پته ولګېده، چې زما زوی یې راوژلی دی؛.

عطامحمد له مشال سره په خپلو خبرو کې زیاته کړه زوي يې په ترهګرۍ د مخنیوي ځواک یا اې ټي ایف کې وو.  او په هیڅ داسې کړنو کې ککړ نه وو. خو هلته بیا یاد ځواک د چارواکو له خوا رسنیو ته ویل شوي، دا کس يې مخکې لا معطله کړی وو.

د اهل سنت وال جماعت له لوري له مړيو سره دا احتجاج  لا هم روان دی. او زیاتوي تر هغو به یې احتجاج روان وي، چې غوښتنې یې نه وي منل شوې.

د یادولو وړ ده چې د فیبرورۍ په شپاړسمه نېټه چې د علي اباد سیمې تر چاودنې وروسته د اهل تشیع له خوا له مړیو سره تر څلور ورځني احتجاج وروسته په کوټه کې د امنيتي ځواکونو له لوري ورته عملیات پېل شوو، چې تردې وړاندي يې هم د ملیشه ځواکونو له خوا په قمبراني سړک په عملیاتو کې د لښکرجهنګوي وسله والې ډلې څلور تنه وژلي او اووه نور يې ژوندي نیولي وو.

دا هم ولولئ

Audio په تاریخي ډول ایا د پښتنو جرګې جمهوري وې او که څنګه؟

تاسې به د سوات ریاست له مثال سره واورئ چې په څه ډول وړې وړې جرګې وروسته په لویو جرګو او بیا د یوه نظام او ریاست په بنیاد کښېښودو کې بریالۍ شوې. تاسې به دا هم واورئ چې د پښتنو نورو سیمو جرګې ایا جمهوري وې او که نه؟ تفصیل...

Audio ایا د اسلام اباد پښتنو خامو کورونو ړنګول د ایین سرغړونه وه؟

دې خلکو ته حکومت دوه ورځې وخت ورکړ چې کورونه دې پرېږدي او بیا وروسته ورغلل او د خلکو کورونه یې ړنګ کړل. پر دې مهال د تاوتریخوالي په پېښو کې د هغې سیمې ګڼ اوسېدونکي ژوبل شول او ځېنې پولیسو ونیول او بیا یې ورباندې د ترهګرۍ مخنیوي مقدمې درج کړې. تفصیل...

Audio له سندرغاړي ګل نواز سره خبرې او د هغه سندرې

د ده په خبره، د هنګو اوسېدونکی دی او له هغه ځایه به پېښور ته ورته او له استاد شاه ولي سره شاګرد شو. په هغه وخت کې دی د اتم ټولګي زده کوونکی وو او سبق یې پرېښود. ګل نواز وايي، ده به له شاه ولي استاد سره درې، څلور میاشتې تېرولې او بیا به هنګو ته ولاړ. تفصیل...

Audio نومیالی انځورګر مراد وايي، لومړۍ استاده یې مور وه

مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو. تفصیل...

فیس بک د مینې خورولو لپاره بهترینه وسیله

پښتانه ښکنځل نه خوښوي او نه یې هم په اسانه چاته کوي ، خو په دې وروستیو کې په ټولنیزو رسنیو لکه درواخلئ فیس بک کې داسې ویډیوګانې خپریږي چې ورکې د ډیورنډ د کرښې د دواړو غاړو یو شمیر پښتانه یو بل ته له ویډیو د لارې بد رد وايي او ښکنځل کوي. تفصیل...