چار شنبه 2 سپ 2015 سیمه ییزوخت 13:31

پاکستان

له امریکا مرسته نه سوداګري غواړو. زرداري



رياض موسه خېل مشال ريډيو

اسلام آباد:- د زيارت په ورځ ماښام د امريکا د سېنټ خارجه چارو کمېټۍ د مشر رابرېټ منېنډيز په مشرۍ کې يو پلاوي د اولسمشر آصف علي زرداري سره وليدل.

د ايوان صدر لخوا جاري شوې خبر پاڼې ترمخه په دغه ملاقات کې د امريکایي سېنېټر بدرګه په اسلام آباد کې د امریکا سفير رچرډ اولسن او د پاکستاني ولسمشر بدرګه خارجه وزيرې حنا رباني کهر وکړه.

خبرپاڼه زياتوي چې په ملاقات کې دسيمې په صورتحال او ترهګرۍ خلاف جنګ پر چارو غور وشو.

خبرپاڼه وايي د خبرو اترو پر مهال ولسمشر امريکا ته په ډاګه کړه چې پاکستان سره دې تجارت ته وده ورکړي او پاکستاني مصنوعاتو ته دې په امريکايي منډیو کې ځای ورکړي. د ده په خبره بايد چې امريکايي پانګوال په  پاکستان کې پانګونه وکړي.

له مشال رېډيو سره په خبرو کې  دامريکايي سفارتخانې وياندې مېرمن راین هار هاریس وویل، چې امريکا داوخت د پاکستان له پاره تر ټولو لوی تجارتي ملګری دی او دا وخت د دواړو هيوادونو ترمنځه د پنځه اربه ډالرو نه زيات تجارت کېږي. دې ژمنه وکړه چې دابه لاپسې زياتولې شي.
د وياندې په خبره داوخت تر درې نيم زرو زيات پاکستاني څيزونه دامريکا منډو کې ځای لري خو بدمرغي دا ده چې اکثره پاکستاني کمپنۍ د دې نه خبرنه دي او دامريکا سفارتخانه کوشش کوي چې څومره ډېرممکن وي خلک او کمپنۍ د دغه طور طريقو نه خبرکړي چې ورسره تجارت نور هم زيات شي.

موجوده وخت کې پاکستان د امريکا نه کومو څانګو کې سرمايه کاري غواړي په دې اړه مو د اقتصادي چارو د کارپوه او مظفر آباد پوهنتون کې د معاشياتو استاذ ډاکټر معراج الحق نه تپوس وکړو نو هغه وويل چې دوه څانګې ډېرې مهمې دي. يوه کرکيله او دويمه د توانايي څانګه ده، له دې سره به له پاکستان بې روزګاري هم ختمه شي او ورسره به یې پېداور هم زيات شي.

دا هم ولولئ

Audio په تاریخي ډول ایا د پښتنو جرګې جمهوري وې او که څنګه؟

تاسې به د سوات ریاست له مثال سره واورئ چې په څه ډول وړې وړې جرګې وروسته په لویو جرګو او بیا د یوه نظام او ریاست په بنیاد کښېښودو کې بریالۍ شوې. تاسې به دا هم واورئ چې د پښتنو نورو سیمو جرګې ایا جمهوري وې او که نه؟ تفصیل...

Audio ایا د اسلام اباد پښتنو خامو کورونو ړنګول د ایین سرغړونه وه؟

دې خلکو ته حکومت دوه ورځې وخت ورکړ چې کورونه دې پرېږدي او بیا وروسته ورغلل او د خلکو کورونه یې ړنګ کړل. پر دې مهال د تاوتریخوالي په پېښو کې د هغې سیمې ګڼ اوسېدونکي ژوبل شول او ځېنې پولیسو ونیول او بیا یې ورباندې د ترهګرۍ مخنیوي مقدمې درج کړې. تفصیل...

Audio له سندرغاړي ګل نواز سره خبرې او د هغه سندرې

د ده په خبره، د هنګو اوسېدونکی دی او له هغه ځایه به پېښور ته ورته او له استاد شاه ولي سره شاګرد شو. په هغه وخت کې دی د اتم ټولګي زده کوونکی وو او سبق یې پرېښود. ګل نواز وايي، ده به له شاه ولي استاد سره درې، څلور میاشتې تېرولې او بیا به هنګو ته ولاړ. تفصیل...

Audio نومیالی انځورګر مراد وايي، لومړۍ استاده یې مور وه

مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو. تفصیل...

فیس بک د مینې خورولو لپاره بهترینه وسیله

پښتانه ښکنځل نه خوښوي او نه یې هم په اسانه چاته کوي ، خو په دې وروستیو کې په ټولنیزو رسنیو لکه درواخلئ فیس بک کې داسې ویډیوګانې خپریږي چې ورکې د ډیورنډ د کرښې د دواړو غاړو یو شمیر پښتانه یو بل ته له ویډیو د لارې بد رد وايي او ښکنځل کوي. تفصیل...