دوشنبه 31 اګست 2015 سیمه ییزوخت 22:52

بلوچستان

د اهل سنت والجماعت ناسته ختمه، ملېشې ضد رپورټ دایر

تر اهل سنت والجماعت مخکې په کوټه کې شیعه هزاره ګانو هم له خپلو مړو سره ناسته کړې وه
تر اهل سنت والجماعت مخکې په کوټه کې شیعه هزاره ګانو هم له خپلو مړو سره ناسته کړې وه
خدای نور ناصر

کوټه - د اهل سنت والجماعت له لوري تر لس ساعته پورې له مړيو سره احتجاج د شپې شاوخوا يوولسو بجې تر دې وروسته پاي ته ورسېد، چې د بلوچستان د کورنیو چارو د سیکريټري اکبر حسین دراني په مشري کې يې له يوه پلاوي سره خبري اتري وکړې.


د اهل سنت والجماعت د مشرانو په خبره ياد پلاوي د دوی غوښتنې پوره کړې، او يوه غوښتنه يې د ملېشه ځواکونو د هغو سرتېرو پر ضد ایف ايي ار درج کول وو، چې په نوي کلي کې يې عملیات کړي ول.

تر دې خبرو اترو وروسته د یاد جماعت يوه مشر رمضان مېنګل له رسنیو سره په خبرو د دې ایف آی آر یا رپورټ په اړه وویل:
 
((دا درخواست چې موږ د کورنیو چارو سیکريټري ته ورته ورکړ، په هغه کې مو د ملیشه ځواکونو پر ضد لیکلي وو. چې دا وخت په ښار کې عملیات کوي. تردې وروسته چې رپوټ درج شي، بیا به پلټنې کېږي، او وروسته به دا څرګنده شي، چې دا عملیات د ملیشه ځواکونو کومو سرتیرو کړي وو. چې موږ به يې بیا هم له تاسو شریک کړو.))

اهل سنت والجماعت ډله د لشکر جنګوي سختدریځې او وسله والې ډلې سیاسي څانګه بلل کېږي، خو د اهل سنت والجماعت غړي له دې تړاوه انکار کوي.

تردې خبرو اترو وروسته حکومتي پلاوی د نوي کلي زرغون اباد پولیسو تاڼې ته لاړ، او هم هلته يې د اهل سنت والجماعت په درخواست د ملېشه ځواکونو پر ضد کیس درج کړ.

تر دې وروسته د دې ډلې د کسانو له خپلو مړو سره احتجاج ختم شو.

خو د همدې عملیاتو پر ضد يې د خالي پر ورځ په کوټه کې د کاربندیز اعلان هم کړی دی.

د ویلو وړ ده چې د جمعرات (پنجشنبې) او جمعې په منځنۍ شپه د ملیشه ځواکونو له لوري د کوټې په نوي کلي کې د عملیاتو په ترځ کې دوه تنه وژل شوي، او څلور نور يې ژوندي نیولي ول. د ملیشه ځواکونو سرچینو د مشال په شمول ګڼو رسنیو ته دا ادعا کړې وه، چې د وژل شوي کسان له لښکر جنګوي سره د تړاو لرلو په تور وژل شوي،  خو اهل سنت والجماعت وايي، وژل شوي کسان د لښکر جنګوي نه بلکې د دوی کارکوونکي ول.

اهل سنت والجماعت ډله د لشکر جنګوي سختدریځې او وسله والې ډلې سیاسي څانګه بلل کېږي، خو د اهل سنت والجماعت غړي له دې تړاوه انکار کوي.

دا هم ولولئ

Audio په تاریخي ډول ایا د پښتنو جرګې جمهوري وې او که څنګه؟

تاسې به د سوات ریاست له مثال سره واورئ چې په څه ډول وړې وړې جرګې وروسته په لویو جرګو او بیا د یوه نظام او ریاست په بنیاد کښېښودو کې بریالۍ شوې. تاسې به دا هم واورئ چې د پښتنو نورو سیمو جرګې ایا جمهوري وې او که نه؟ تفصیل...

Audio ایا د اسلام اباد پښتنو خامو کورونو ړنګول د ایین سرغړونه وه؟

دې خلکو ته حکومت دوه ورځې وخت ورکړ چې کورونه دې پرېږدي او بیا وروسته ورغلل او د خلکو کورونه یې ړنګ کړل. پر دې مهال د تاوتریخوالي په پېښو کې د هغې سیمې ګڼ اوسېدونکي ژوبل شول او ځېنې پولیسو ونیول او بیا یې ورباندې د ترهګرۍ مخنیوي مقدمې درج کړې. تفصیل...

Audio له سندرغاړي ګل نواز سره خبرې او د هغه سندرې

د ده په خبره، د هنګو اوسېدونکی دی او له هغه ځایه به پېښور ته ورته او له استاد شاه ولي سره شاګرد شو. په هغه وخت کې دی د اتم ټولګي زده کوونکی وو او سبق یې پرېښود. ګل نواز وايي، ده به له شاه ولي استاد سره درې، څلور میاشتې تېرولې او بیا به هنګو ته ولاړ. تفصیل...

Audio نومیالی انځورګر مراد وايي، لومړۍ استاده یې مور وه

مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو. تفصیل...

فیس بک د مینې خورولو لپاره بهترینه وسیله

پښتانه ښکنځل نه خوښوي او نه یې هم په اسانه چاته کوي ، خو په دې وروستیو کې په ټولنیزو رسنیو لکه درواخلئ فیس بک کې داسې ویډیوګانې خپریږي چې ورکې د ډیورنډ د کرښې د دواړو غاړو یو شمیر پښتانه یو بل ته له ویډیو د لارې بد رد وايي او ښکنځل کوي. تفصیل...