چار شنبه 4 مار 2015 سیمه ییزوخت 23:40

پاکستان

پاکستان د مذهبي توپیر پالنې په لومه کې

ژباړه : فرخنده وزیر :

رویټرز خبري اژانس په یو راپور کې لیکي، د پاکستان په کراچۍ ښار کې چې کله په یو سني مذهبي مشر اورنګزیب فاروقي ډزې وشوې، او د هغه شپږ ساتونکي پکې ووژل شول، او دی پخپله ژوبل شو، نو ویې ویل چې دښمن ته دې هم دا خبره باید معلومه وي چې دی به اوس سنیان بیداروي.


په فاروقي د تیر کال د دسمبر په ۲۵مه نیټه یو شمیر وسله والو برید وکړ، چې وروسته یې په روغتون کې خپلو پلویانو ته وویل، دی به په دغه ښار کې د شیعه ګانو په مقابله کې سنیان دومره مضبوط کړي، چې بیا به څوک د شیعه ډلې خلکو ته لاس هم نه ورکوي.

رویټرز لیکي د داسې قسمه بیانونو سره په دغه هیواد کې میشت شیعه ډلې ته مشکلات نور هم زیاتیږي، او په دې تیره نږدې وخت کې په کوټه کې په بمي حملو کې د د دوو سوو نه زیات د شیعه مسک سره اړه لرونکي خلک ووژل شول، او ګڼ شمیر نور ژوبل شول.

په کراچۍ کې د بدامنۍ تازه پیښې ښکاره کوي، چې په دغه ښار کې د یوې ډلې څوک ووژل شي، نو بله ډله په بدل اخیستلو کې وخت نه تیروي، او داسې وسله واله ډله لشکر جنګوي، چې د شیعه مسلمانانو سخته مخالفه ده، د هیواد په مختلفو سیمو کې يې فرقه ایزې وژنې پیل کړي دي.

رویټرز اژانس لیکې په کراچۍ کې په تیرو شپږو میاشتو کې څه نا څه اتیا شیعه مسلمانان ووژل شول، او پولیس وایي د دغو وژنو تر شا د لشکر جنګوي لاس دی، په دغه وژل شویو کسانو کې ډاکټران ، په بینکونو کې کارکونکي او استاذان شامل دي. په ځواب کې د سنیانو یو شمیر غړي ووژل شول او په مذهبي مشرانو یې هم بریدونه وشول، چې ترې جوتیږي په دغه ښار کې د ادل بدل لړۍ پیل شوې ده.

رویټرز د کراچۍ په ریډیو سټیشن کې د یوې کارکونکې سندس رشید نظر اقتباس کړی چې د شیعه او سني تر منځ اختلافات اوس ډیر زیات شوي دي، هغه وايي کله یې هم په پاکستان کې د دواړو ډلو ترمنځ داسې نفرت او کرکه نه وه لیدلې.

د شیعه مسلمانانو یو مذهبي ګوند مجلس وحدت مسلمین مشر اعجاز حسین بهشتي رویټرز ته ویلي د دوی په فرقه کې که څوک ووژل شي، نو دوی یې بدل نه اخلي ځکه که  په بدل اخیستو شوه نو بیا خو به د پاکستان په هر ځای کې بدامني مخې ته راشي، چې دوی یې نه غواړی، او ځکه دوی د بخښنې نه کار اخلې.

عبد الستار ایدهي چې په کراچۍ کې د خیر ښیګړې یوه اداره چلوي، وایې تر ټولو لوی مذهب انسانیت دی، او که چیرې په یو مذهب کې انسانیت نه وي، نو دغه بیا بې کاره دی.

دا هم ولولئ

Audio د مورنیو ژبو نړیواله ورځ او په مورنیو ژبو د زده کړو ارزښت

یاده غونډه یوې ناحکومتي ادارې پوهه فاونډېشن جوړه کړې وه. د دې ادارې مشر ایاز مندوخېل وايي، دوی په غونډه کې په خیبر پښتونخوا کې په نصاب کې پر بدلونونو، د مورنۍ ژبې ارزښت، په پښتونخوا، قبایلي سیمو او بلوچستان کې د ابتدايي زده کړو نظام او په یادې سیمې کې د ښځو پر تعلیم خبرې وکړې. تفصیل...

ناصر شین په لرګو انځور ګري کوي

ناصر شین د پښتونخوا د سوات سیمې اوسیدونکی دی او د انځورونو سره یې دومره مینه ده چې په لرګو انځورونه جوړوي او لیکل پرې کوي. دی وايي داچې په سوات کې لرګي پریمانه دي تفصیل...

د کرن خان ((تصویر)) جوړېدو مرحلې او سندرې

د کرن خان نوی البم ((تصویر)) نومېږي چې په اړه یې نوموړي د سندرو امېل خپرونه کې غږېدلی (ږغېدلی) دی. دی وايي، دا یې ۱۳م البم دی چې په درو میاشتو کې یې جوړ کړ او د دې له کبله یې په نوي کال کې خپور نه کړ چې د تېر کال ډېسېمبر په میاشت تفصیل...

له ځوان سندرغاړي طارق حسین سره خبرې

په خپرونه کې مو دا ځل د پېښور له یوه ځوان سندرغاړي طارق حسین سره خبرې کړې دي. دی وايي، نیکه یې موسیقار وو، پلار یې هنرمند او دی ۱۰ کلن وو چې د موسیقۍ ډګر ته راغی. تفصیل...

راشد خان وايي هڅه کوي په سندرو کې نوي الات وکاروي

په دې خپرونه کې مو له دوو پېښور مېشتو هنرمندانو سره خبرې کړې دي چې وايي، هڅه کوي په خپلو سندرو کې د موسیقۍ عصري یا جدید الات وکاروي. تفصیل...