دوشنبه 25 مې 2015 سیمه ییزوخت 12:16

پاکستان

ولسمشر زرداري ايران ته ځي



احمد الله  مشال راډيو

د پاکستان په مرکز اسلام آباد کې د ايوان صدر  يوه چارواکي مشال ريډيو وويل، چې ولسمشر  آصف علې زرداري به په روانه اونۍ کې په دوه ورځني سفر ايران ته ځي او هلته به  نوموړې له ايراني چارواکو سره پر پاک، ايران ګيس نل لیکه (پایپ لاین) منصوبي خبرې اترې کوي.

له مشال راډيو سره په خبرو کې د خارجه دفتر ترجمان معظم احمد خان وویل چې حتمي نېټه لا نه ده ټاکل شوه خو زیاتوي چې ډېر زر به یې اعلان کړي.

اقتصاد پوه ډاکټر معراج الحق وايي، چې پاکستان په موجوده وخت کې د توانايي له بحران سره مخامخ دی او د پاک ايران ګېس نل لیکې (پایپ لاین(  منصوبې له مکملولو سره به د توانايي په بحران تر ډيره حده قابو وموندل  شي خو حکومت ته په دې لړ کې د امريکا  اندېښنې هم په نظر کې ساتل پکار دي، ځکه چې په موجوده وخت کې پاکستان تر ټولو زيات معاشي اړیکي له  امريکا او اروپايي ملکونو سره لري.

بلخوا د بهرنو چارو شنونکی او په پېښور پوهنتون کې د نړیوالو اړیکو د څانګې پخوانی مشر اعجاز خټک وايي، (که پاکستان د ګېس پایپ لاین منصوبه مکملوي نو د ايران او امريکا کړکېچنو تعلقاتو ته په کتو سره د پاکستان او امريکا ترمينځ پر اړیکو بد اثر غورځېدای شي او په موجوده وخت کې دواړه هېوادونه له يو بل سره د تعلقاتو خرابو جوګه نه دي خو زه ګڼم که پاکستان دا منصوبه مکملول غواړي نو يو طرف ته اقتصادي ګټې خو ترلاسه کولای شي خو بل طرف د پاکستان او امريکا په تعلقاتو کې يو واري بيا تاؤ تريخوالې راتللای شي.)

ياده دې وي چې د پاکستان او ايران ګيس پایپ لاین منصوبه به ٧٨١ کلوميتره غځول کېږي،  او په دې منصوبه به يو نيم اربه ډالر لګښت راځي.

دا هم ولولئ

له خیال ګل نسیم سره خبرې او د هغه سندرې

د نسیم په خبره، استاد یې ورته ویلي ول چې باید د پښتو غزل او پښتو سندرو ته زیاته توجه ورکړي. دی وايي، تر اوسه یې درې البمونه خپاره شوي دي چې پکې یې د معیاري شاعرۍ انتخاب کړی دی. تفصیل...

ثنا اعجاز او اصغر پښتونیار د تعلیم مبارزان

دا اونۍ د ځوانانو غږ خپرونه کې ثنااعجاز او اصغر پښتونیار مېلمانه وو. ثنا اعجاز د پېښور ده او د ټولنیزو او بشري حقونو لپاره له تیرې یوې مودې راهیسې مبارزه کوي. نوموړې وايي دوی په خپله تفصیل...

Audio د پېښور د رباب زده کړو مرکز

په دې خپرونه کې مو درته په پېښور کې د رباب زده کړې یوه مرکز پرانیستو موضوع راوړې. په پېښور کې نومیالی رباب غږوونکی وقار اتل وايي، لومړی استاد یې صاحب ګل دی او بیا وروسته یې له سیدا ګل مینا استاده زده کړې وکړې. تفصیل...

په پښتونخوا کې د پسرلنۍ مشاعرو ارزښت او ګټې

د ده په خبره، ښايي د دې لامل دا وي چې پښتانه او پښتنې سیمې له ناامنۍ سره مخامخ دي او داسې ښکاري چې اوس حالات څه نا څه سم شوي دي نو ځکه دا ډول پسرلنۍ مشاعرې هم زیاتې شوې دي. تفصیل...

د ځوان طارق افغان مبارزه

په ځوانانو غږ خپرونه کې مو دا ځل د عوامي نشنل ګوند د زده کونکو د سازمان يو مشر طارق افغان ميلمه دی. نوموړی د ټول پاکستان د ترقي پسند ځوانانو د اتحادې د خېبر پښتونخوا د څانګې يو منتظم هم دی. تفصیل...