رابعه اکرم مشال راډيو
د پاکستان د سپریم کورټ مشر قاضي یا چيف جسټس افتخار محمد چوهدري له اډيالې زندانه د تريتم بندیانو د کيس اوريدنې پر مهال وويل چې دا دی دوه کاله تېر شول خو د هغوی پر ضد ثبوتونه وړاندې نه شول. نوموړي وویل دا د بشری حقونو معامله ده د مقدمې پرته یو بندي یا قېدي تر اوږدې مودې په بند کې نه شي ساتل کېدلای.
د دې کيس اوريدنه چيف جسټس افتخار محمد چوهدري په مشرې کې درې کسيزه جرګګۍ یا بينچ وکړله.
د مقدمې دوران چيف جسټس له لوی ځارنوال یا اټارني جنرل نه د شق اېن ٢٤٥ له مخې په قبايلي سيمو کې د پوځ د تعيناتۍ په اړه د نوټيفيکيشن غوښتنه وکړه.
د اوريدنې په وخت اټارني جنرل وويل، چې تر څو پورې عمليات روان دي نو په قيديانو مقدمه نه شي چليدلای. د دې په ځواب کې چيف جسټس زياته کړه چې هغه مواد دې وړاندې کړل شي چې پر بنست یې دغه کسان په بند کې ساتل شوي دي.
د تریتم یا بېدرکه قيديانو وکيل طارق اسد مشال راډيو ته وويل چې اټارني جنرل د دې مقدمې د ځنډولو هڅه کوي. او لا تراوسه په دې مقدمه کې څه وړانديز نه دې شوې. دا يولس قيديان بې درکه شوي ول چې څلور په کې مړه او اووه ژوندي پاته دي.
،، له لومړۍ ورځې راهیسې دا کسان په غیر قانوني توګه په بند کې ساتل کېږي او ما عدالت ته وويل چې دا ستاسو قانوني فرض دی چې د دوی د خوشې کولو حکم دې ورکړل شي ،،
دغه شان مشال راډيو ته د قانوني چارو کار پوه د دې مقدمې په اړه وويل چې ،، شق اېن ٢٤٥ کې د لپاره دی، چې پوځ هم خپل يو اختيار لري د سرحدونو حفاظت کوي او که په ملک کې د امن او امان خراب صورتحال وي. له دې پرته د پوځ مرسته نه شي ترلاسه کيدای نو سپريم کورټ کې چې کوم بحث روان دې، دا ټول د دغه ارټيکل نه تاويږي نو له دې علاوه ولسي چارواکي ګرسره دغه کار نه شي کولی،،
د تریتم بندیانو د کيس اوريدنه د روانې مياشتې تر ۲۸م فرورۍ پورې وځنډول شوه.