جمعه 28 اګست 2015 سیمه ییزوخت 22:13

بلوچستان

بلوڅ میشتو سیمو کې د پښتنو وژنې




خدای نور ناصر مشال راډيو

کوټه: د رواني میاشتې په ۲۴ نېټه د بلوچستان په بلوڅ مېشته پسني سیمه کې د وسله والو له لوري د ږوب سیمې ۶ مزدوران ووژل شوو. چې مسوولیت يې بلوڅ بېلتون غوښتونکې وسله والې ډلې بلوچ لبرېشن فرنټ قبول کړ.


د پسني دا پېښه لومړنۍ نه ده چې په بلوڅ مېشتو سیمو کې پښتانه په نخښه کېږي، بلکې تر دې وړاندې هم  ګڼ پښتانه مزدوران، موټر چلوونکي او تجاران وژل شوي او ټپیان شوي دي، چې مسوولیت بلوڅ بېلتون غوښتونکو وسله والو ډلو قبول کړی دی.

بلوڅو او پښتنو سیاستوالو دغه پېښې په سختو ټکیو غندندلې دي.

د بلوچستان نېشنل ګوند مينګل ډلې غلام نبي مری وايي؛ له داسې پېښو سره د پښتنو او بلوڅو تر مینځ هیڅوک کرکه نه شي خورولای؛.

؛ موږ دداسې ټولو پېښو په کلکه غندنه کوو، چې په کې بې ګناه کسان هغه که پښتون وي، که بلوڅ وي او یا هم کوم بل څوک وژل کېږي. خو موږ دا وايو چې پښتانه او بلوڅان د احمد شاه ابدالي او میر نصیر خان نوري له زمانې د وروڼو په څير ژوند کوي.؛

د پښتونخوا ملي عوامي ګوند عبدالرحیم زیارتوال هم د پښتنو وژنه غندلې او بلوڅ ملتپالو یې غږ کړی چې هغوی یې باید په کلکو ټکو وغندي:

(( لومړی خوهغه کسانو ته چې پشتانه مزدروان وژني دا باید معلومه شي ،  داسې نه ده چې دغه وژل شوي خلک تر شا څوک نه لري. دویم دا چې بلوڅ سیاستوال که نور څه نه شي کولای، نو د دغه ډول پېښو غندنه دې وکړي. او د وژل شويو کسانو د ویرژنو کورنیو له غړو سره دې غمرازي وکړي))

پوښتنه دا ده، چې يواځې غندنې په بلوڅ مېشتو سیمو کې د پښتنو ژوند ژغورلای شي. د سیمې يو مشر خبریال عبدالکبیر شاکر یې داسې بیانوي.

؛ يواځې په غندنو دلته د پښتنو په زړونو کې د بلوڅو لپاره نفرت نه شي کمېدای. د دواړو خواو سیاسي ګوندونه باید ترغندنو پورې محدوده نه شي. او دوی باید دلته په کوټه کې دواړه خواوې سره کښېني، او ددې ستونځې حل راوباسي؛.

د شاکر په خبره تردې وړاندي هم په دې صوبه کې د بلوڅو او پښتنو تر منځ ځيني داسې پېښې شوې، چې د دواړو قامونو تر منځ يې نفرتونه پيدا کړي. چې د نوموړي په وينا د دواړو لورو د ملتپالو ګوندونو دا ذمه واري جوړېږي، چې د خبرو او قبایلي جرګو له لارې د ورتو پېښو د مخنیوي لپاره ګام پورته کړي.

دا هم ولولئ

Audio په تاریخي ډول ایا د پښتنو جرګې جمهوري وې او که څنګه؟

تاسې به د سوات ریاست له مثال سره واورئ چې په څه ډول وړې وړې جرګې وروسته په لویو جرګو او بیا د یوه نظام او ریاست په بنیاد کښېښودو کې بریالۍ شوې. تاسې به دا هم واورئ چې د پښتنو نورو سیمو جرګې ایا جمهوري وې او که نه؟ تفصیل...

Audio ایا د اسلام اباد پښتنو خامو کورونو ړنګول د ایین سرغړونه وه؟

دې خلکو ته حکومت دوه ورځې وخت ورکړ چې کورونه دې پرېږدي او بیا وروسته ورغلل او د خلکو کورونه یې ړنګ کړل. پر دې مهال د تاوتریخوالي په پېښو کې د هغې سیمې ګڼ اوسېدونکي ژوبل شول او ځېنې پولیسو ونیول او بیا یې ورباندې د ترهګرۍ مخنیوي مقدمې درج کړې. تفصیل...

Audio له سندرغاړي ګل نواز سره خبرې او د هغه سندرې

د ده په خبره، د هنګو اوسېدونکی دی او له هغه ځایه به پېښور ته ورته او له استاد شاه ولي سره شاګرد شو. په هغه وخت کې دی د اتم ټولګي زده کوونکی وو او سبق یې پرېښود. ګل نواز وايي، ده به له شاه ولي استاد سره درې، څلور میاشتې تېرولې او بیا به هنګو ته ولاړ. تفصیل...

Audio نومیالی انځورګر مراد وايي، لومړۍ استاده یې مور وه

مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو. تفصیل...

فیس بک د مینې خورولو لپاره بهترینه وسیله

پښتانه ښکنځل نه خوښوي او نه یې هم په اسانه چاته کوي ، خو په دې وروستیو کې په ټولنیزو رسنیو لکه درواخلئ فیس بک کې داسې ویډیوګانې خپریږي چې ورکې د ډیورنډ د کرښې د دواړو غاړو یو شمیر پښتانه یو بل ته له ویډیو د لارې بد رد وايي او ښکنځل کوي. تفصیل...