شنبه 1 اګست 2015 سیمه ییزوخت 23:09

پاکستان

د خبریال ملک ممتاز وژنه خبریالانو وغندله

د شمالي وزیرستان خبریال ملک ممتاز نن پر چارشنبه ووژل شو
د شمالي وزیرستان خبریال ملک ممتاز نن پر چارشنبه ووژل شو

ګل ایاز مشال راډیو

پراګ:- په قبايلي سيمه شمالی وزيرستان ميرام شاه کې د چارشنبي پر ورځ يو قبايلي خبريال ملک ممتاز ووژل شو.

له سيمې د مشال راډيو خبريال وايي چې  خبريال ملک ممتاز له چشمه پُل څخه ميرام شاه ته روان وو چې په لاره کې وسلوالو په نښه کړو.

خبريال ملک ممتاز له ډيری مودې راهیسې له شمالي وزيرستانه د ورځنیو پېښو ګزارشونه یا راپورونه ورکول. هغه  د پاکستان جيو او خيبر ټيلي وژن، دې نيوز او ډيلي ټايمز ورځپاڼو سره کار کولو.

نوموړي په دا  وروستيو ورځو کې د شمالي وزيرستان پريس کلب مشر ټاکل شوی وو او يو څو ورځو کې يې د سوګند پورته کولو دستوره هم کيدونکې وه.

په پيښور کې دې نيوز ورځپاڼې کې کارکونکې او خبريال مشتاق يوسفزی وايي، چې ملک ممتاز ډير زيات زړه ور صحافی وو او هر وخت يې د سيمي ستونزو په اړه رپورټونه لېږل.

په پاکستان کې د خبريالانو ټولنو د ملک ممتاز وژنه په سختو ټکو  غندلې. د شمالي وزيرستان پريس کلب د ملک ممتاز د وژني پرضد د شپږو ورځو د وير اعلان کړی دی.

د قبايلي خبريالانو د ټولني مشر صفدر حيات داوړ له مشال راډيو سره په خبرو کې وويل چې د ملک ممتاز د وژنې پرضد به تر اسلام اباد پورې مظاهرې کوي. د صفدر داوړ په وينا ملک ممتاز بې پلوه  رپورټنګ کولو او په سيمه کې خلکو ورته ډير په درنه سترګه کتل. صفدر داوړ له حکومته غوښتنه وکړه چې قبايلي خبريالانو ته دې د تحفظ ورکولو لپاره ګامونه پورته کړل شي.

د يادوني ده چې د ملک ممتاز وژنې سره په قبايلي سيمو کې د وژل شويو صحافيانو شميره ۱۳ تنو ته رسېدلې ده. د بېپولې خبريالانو اداره ترمخه پاکستان د ميډيا د ازادۍ په فهرست کې په ۱۵۱ نمبر دی او ۲۰۱۰ د خبريالانو لپاره خونړۍ کال وو او د خيبر پښتنونخوا او د قبایلي خبريالان له ډيرو ستنونزو سره مخامخ دي.

دا هم ولولئ

Audio پښتانه ځوانان په ټولنيزو رسنېو د سولې پر موضوع خبرې کوي؟

'پښتانه ځوانان پر خپله زمکه د سولې له خبرو ځکه ډډه کوي چې دوي سياسي پوهاوې نه لري او له خپله تاريخه بې خبره دي' تفصیل...

Audio د افغانستان امنیتي حالات ولې خراب شوي؟

په یادو ولایتونو کې د وسله والو ډلو پر ضد پوځي عملیات هم روان دي خو د وسله والو فعالیتونه هم زیات شوي دي. نو د مشال تر رڼا لاندې نننۍ بحث د افغانستان امنیت موضوع ته ځانګړی شوی دی. تفصیل...

Audio د شمالي وزيرستان تر یو لک زیات زده کونکو راتلونکې په تیاره کې دی

ښاغلي داوړ په وزیرستان کې پر تعليم تحقيق کړی وايي، له لسو کلونو راهيسې په شمالي وزيرستان کې د بدامنۍ او کرفيو له وجې تعليم ته ډېر زيان رسېدلی دی. تفصیل...

د “مردانوال خلق” نومي سازمان هلي ځلي

د مشال راډیو په اونیزه خپرونه – د ځوانانو ږغ کې مو دا اونۍ د خیبر پښتونخوا د مردان د سيمې له داسې ځوانانو سره خبرې کړي دي تفصیل...