شنبه 5 سپ 2015 سیمه ییزوخت 06:06

افغانستان

د خوست پوهنتون کې په اشر باغ لګول کېږي


نجیب الله الوخیل مشال راډيو

په خوست کې دا مهال په ټولنیزو چارو او فعالیتونو کې د ځوانانو ونډه په ډیریدو ده، دوی یو شمیر د خپلې خوښې کارونه سرته رسوي،چې له یوې خوا دټولنې په پرمختیا او سمسورتیا کې ونډه اخلي بل لوري ته دا ډول ګټور کارونه دنورو خلکو د هڅونې او تشویق لامل ګرځي.


داځل په خوست کې یو شمیر ځوانانو د خوست پوهنتون په جار کې په درې جریبه ځمکه کې د نارنجو د یو بڼ پرلګولو  کار پیل کړی او دوی به په دې باغ کې تر 700زیات د نارنجو نیالګي لګوي او هوډمن دي ،چې تر پایه به يې ساتنه او پالنه کوي.

د دې اشر یو تن ګډونوال نوراجان بهیر وویل غواړي، په دې کار سره نورو ځوانانو ته دا پیغام ورکړي ،چې هغوی هم دهیواد په سمسورتیا کې برخه واخلي، ده وویل د یاد بڼ جوړول یو شمیرځوانانو په شخصي لګښت پیل کړی دی.

یو ځوان خوستوال فریدالله ظاهر وايي ،چې دوی به دنارنجو د دې بڼ پالنه اوساتنه کوي.
د ځوانانو بڼ داشر یو بل تن ګډونوال الیاس وحدت وویل ،چې ويښ افغان  دا ډول ټولنيز کارونه په دې موخه ترسره کوي، څو ځوانان له مایوسی حالت څخه را وباسي او هغوى ته يوه داسې روحيه ورکړي، چې دوی د خلکو او ټولنې د سوکالۍ لپاره ډېر څه ترسره کوى شي.

بلخوا دخوست دکرنې او مالدارۍ سرپرست رئیس ډاکټر نقیب الله وویل ،چې دوی په پام کې لري د سږني سپرلي په شپو ورځو کې د ټول ولایت په کچه یو میلیون نیالګي ولګوي ،چې یو لک به یې یوازې د دوی ادره برابروي او زیاتره نیالګي به د کینولو لپاره بزګرانو ته ورکول کیږي .

دیادونې وړ ده تیره اونۍ هم د خوست سلګونه ځوانانو  د خوست ښار د پاکولو په لوی اشر کې برخه واخیسته.

دا هم ولولئ

Audio په تاریخي ډول ایا د پښتنو جرګې جمهوري وې او که څنګه؟

تاسې به د سوات ریاست له مثال سره واورئ چې په څه ډول وړې وړې جرګې وروسته په لویو جرګو او بیا د یوه نظام او ریاست په بنیاد کښېښودو کې بریالۍ شوې. تاسې به دا هم واورئ چې د پښتنو نورو سیمو جرګې ایا جمهوري وې او که نه؟ تفصیل...

Audio ایا د اسلام اباد پښتنو خامو کورونو ړنګول د ایین سرغړونه وه؟

دې خلکو ته حکومت دوه ورځې وخت ورکړ چې کورونه دې پرېږدي او بیا وروسته ورغلل او د خلکو کورونه یې ړنګ کړل. پر دې مهال د تاوتریخوالي په پېښو کې د هغې سیمې ګڼ اوسېدونکي ژوبل شول او ځېنې پولیسو ونیول او بیا یې ورباندې د ترهګرۍ مخنیوي مقدمې درج کړې. تفصیل...

Audio له سندرغاړي ګل نواز سره خبرې او د هغه سندرې

د ده په خبره، د هنګو اوسېدونکی دی او له هغه ځایه به پېښور ته ورته او له استاد شاه ولي سره شاګرد شو. په هغه وخت کې دی د اتم ټولګي زده کوونکی وو او سبق یې پرېښود. ګل نواز وايي، ده به له شاه ولي استاد سره درې، څلور میاشتې تېرولې او بیا به هنګو ته ولاړ. تفصیل...

Audio نومیالی انځورګر مراد وايي، لومړۍ استاده یې مور وه

مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو. تفصیل...

فیس بک د مینې خورولو لپاره بهترینه وسیله

پښتانه ښکنځل نه خوښوي او نه یې هم په اسانه چاته کوي ، خو په دې وروستیو کې په ټولنیزو رسنیو لکه درواخلئ فیس بک کې داسې ویډیوګانې خپریږي چې ورکې د ډیورنډ د کرښې د دواړو غاړو یو شمیر پښتانه یو بل ته له ویډیو د لارې بد رد وايي او ښکنځل کوي. تفصیل...

مهم موضوعات