جمعه 4 سپ 2015 سیمه ییزوخت 12:46

بلوچستان

هزاره ګان خپل امنیت پخپله ساتل غواړي




د کوټې شيعه هزارګانو د پاکستان پر حکومت دوی ته د امنيت نه ورکولو په لړ کې تر يو شمېر نيوکو وروسته اوس ږغ کړی چې د سني سخت دريځو په ضد به خپله دفاعي وسله واله ډله جوړوي. د دوی په وينا د بلوچستان له صوبايي حکومته يې غوښتنه کړې چې دغه وسله والې ډلې ته اجازه ورکړي چې له ځايي پوليسو سره يو ځای کار وکړي.

ايسوشي اېټډ پرېس خبري اژانس ليکي، د بلوچستان په کوټه ښار کې پر شيعه هزارګانو تر يو شمېر وسله والو بريدونو وروسته اوس دغه وړوکې ډلې ږغ کړی چې د سني سختدريځو پر ضد به د خپل امنيت ساتلو لپاره وسله واله جوړوي. د دوی په وينا حکومت د دوی په ساتنه کې پاتې راغلی او د تېر يو نيم کال راهيسي د وسله والو په بريدونو کې ۴۰۰ شيعه هزارګان وژل شوي دي. د دې وژنو نيمايي يې يوازې د روان کال په لومړيو دوو مياشتو کې رامنځ ته شوې ده.

د شیعه ګانو مشران تور لګوي چې د پاکستان د امنيتي ادارو د سستۍ له کبله په کوټه کې پر دوی تشدد او بريدونه زيات شوي دي. دوی ايسوشي اېټډ پرېس خبري اژانس ته ويلي چې د بلوچستان له صوبايي حکومته يې غوښتنه کړې چې د دوی وسله والې ډلې ته اجازه ورکړي چې له ځايي پوليسو سره يو ځای کار وکړي او خپل امنيت په خپل ونيسي.

د سورها په نامه يوه هزاره مېرمن وايي، د دې حالت ذمه وار حکومت دی ځکه هره ورځ زموږ سره دا ډول پيښې کيږي خو د مخنيوي لپاره يې هيڅ هم نه دي شوي. يو بل شيعه مشر علامه محمد جمعه اسدي وايي، دوی خپل ځان نشي پټولای ځکه له څهرې پېژندل کيږي او وضع يې ورځ په ورځ خرابيږي. د نوموړي سکول د جنوري د لسمي نېټې د بمي چاودنې له هغه ځايه يوازې څو ودانۍ ليرې دی چې تر سل زيات کسان پکې ووژل شول. دی وايي، يرېدلو زده کونکو په کوڅو کې منډې شروع کړې او د قيامت ورځ وه. خو چې کله د فبروري پر ۱۶مه نېټه يوه بله درنه چاودنه وشوه نو هزاره مشرانو د خپل امنيت پخپله ساتلو او د يو دفاعي ځواک پر جوړولو خبرې اترې پېل کړې. اسدي وايي، موږ به ډېر ژر پر امنيتي پوستو خپل کسان ولرو. موږ له انتظاميې سره د خپل دفاعي ځواک د جوړېدو خبره کړې ده.

خبري اژانس پر مخ ليکي، د پاکستان په ۱۸ کروړه آبادي کې دوه کروړه خلک شيعه ګان دي چې زياتره يې له اکثريتي سني آبادۍ سره په امن کې ژوند تېروي. خو د لسيزو په دوران کې د دواړو خواوو وسله والې ډلې راټوکېدلي چې زياتره وخت داسي شکونه څرګنديږي چې سني ډلې د سعودي عرب لخوا حمايه کيږي او د شيعه ډلو ملاتړ بيا ايران کوي.

د خبري اژانس په وينا په کوټه کې ۳۰ لکه کسان ژوند کوي چې د هزارکانو په شمول په ګڼ شمېر کې پښتانه او بلوڅان پکې مېشت دي. د امنيتي چارو يو کارپوه زاهد حسېن وايي،  د هزارګانو په اکثريتي سيمو کې پښتانه او بلوڅان استوګن دي او کار کوي خو هزارګان په نورو سيمو کې ډېر کم تر سترګو کيږي. نوموړی وايي، پر امنيتي پوستو باندې د ګاونډيانو يو ګډ دفاعي ځواک ښه نتيجه ورکولای شي ځکه چې که چيرې يو پښتون د هزاره لخوا پر امنيتي پوسته درول کيږي او تلاشي کيږي نو دا کېدای شي تشدد رامنځ ته کړي.

دا هم ولولئ

Audio په تاریخي ډول ایا د پښتنو جرګې جمهوري وې او که څنګه؟

تاسې به د سوات ریاست له مثال سره واورئ چې په څه ډول وړې وړې جرګې وروسته په لویو جرګو او بیا د یوه نظام او ریاست په بنیاد کښېښودو کې بریالۍ شوې. تاسې به دا هم واورئ چې د پښتنو نورو سیمو جرګې ایا جمهوري وې او که نه؟ تفصیل...

Audio ایا د اسلام اباد پښتنو خامو کورونو ړنګول د ایین سرغړونه وه؟

دې خلکو ته حکومت دوه ورځې وخت ورکړ چې کورونه دې پرېږدي او بیا وروسته ورغلل او د خلکو کورونه یې ړنګ کړل. پر دې مهال د تاوتریخوالي په پېښو کې د هغې سیمې ګڼ اوسېدونکي ژوبل شول او ځېنې پولیسو ونیول او بیا یې ورباندې د ترهګرۍ مخنیوي مقدمې درج کړې. تفصیل...

Audio له سندرغاړي ګل نواز سره خبرې او د هغه سندرې

د ده په خبره، د هنګو اوسېدونکی دی او له هغه ځایه به پېښور ته ورته او له استاد شاه ولي سره شاګرد شو. په هغه وخت کې دی د اتم ټولګي زده کوونکی وو او سبق یې پرېښود. ګل نواز وايي، ده به له شاه ولي استاد سره درې، څلور میاشتې تېرولې او بیا به هنګو ته ولاړ. تفصیل...

Audio نومیالی انځورګر مراد وايي، لومړۍ استاده یې مور وه

مراد وايي، د مېنګورې دی او له وړوکتوبه یې له انځورګرۍ سره مینه لرله. لومړۍ استاده یې مور وه او تر هغې وروسته له نورو مصورانو سره شاګرد شو. بالاخره د اسلام اباد په هنرکدې کې د نومیالي هنرمند جمال شاه شاګرد شو. تفصیل...

فیس بک د مینې خورولو لپاره بهترینه وسیله

پښتانه ښکنځل نه خوښوي او نه یې هم په اسانه چاته کوي ، خو په دې وروستیو کې په ټولنیزو رسنیو لکه درواخلئ فیس بک کې داسې ویډیوګانې خپریږي چې ورکې د ډیورنډ د کرښې د دواړو غاړو یو شمیر پښتانه یو بل ته له ویډیو د لارې بد رد وايي او ښکنځل کوي. تفصیل...