د پاکستان په کراچۍ ښار کې نن( پنجشنبه) سهار د یوې چاودنې په ترڅ کې د پخواني پولیس افسر په ګډون څلور کسان وژل شوي او لږ لږ تر لس نور ژوبل شوي دي.
د سېمې پولیس مشر پیرمحمد شاه رسنیو ته وویل چې چاودنه نن سهار د زړې سبزي منډۍ په سېمه کې شوې ده چې په ترڅ کې یې ماتله کړل شوی پولیس افسر شفیق تنولي او درې نور کسان وژل شوي دي.
د پیرمحمد شاه په خبره تر اوسه دا نه ده مالومه چې دا ځانمرګې برید وو که نه چاودونکي توکي د پیښې په ځای کې اېښودل شوي وو.
شفیق تنولي تر دې وړاندې هم په یوه ځانمرګې برید کې سخت ژوبل شوی و.
نوموړی په کراچۍ کې د وسله والو پر ضد په عملیاتو کې نوم لري. د دې ترڅنګ هغه د وژل شوي پښتون خبریال ولي خان بابر د وژنې د کیس پلټونکی افسر پاتې شوی دی.