د لاسرسي ځای

تازه خبر

په تېرو دولسو کلونو کې څلور زره پاکستاني سرتیري وژل شوي


فایل فوټو
فایل فوټو

له پاکستانه په انګلیسي ژبه خپریدونکې ورځپاڼې ایکسپریس ټریبیون په یوه راپور کې لیکلي ، په شمالي وزیرستان کې د وسله والو طالبانو پر ضد په روانه جګړه کې تر اوسه دوه سوه نولس پاکستاني عسکر وژل شوي او شاوخوا اته سوه ټپي شوي دي.

د پاکستاني پوځ د چارواکو په وینا ، له ۲۰۰۲م کاله راهيسې د دوی ټول څلور زره څلور سوه عسکر وژل شوي دي.

د ورځپاڼې په لیکنه ، د پاکستان د وژل شویو عسکر شمېر د هغو امریکايي سرتېرو دوه چنده دی چې په هم دې موده کې یې په افغانستان کې ژوند له لاسه ورکړی دی.

مقاله زیاتوي ، په پېښور کې پر ارمي پبلک سکول د وسله والو طالبانو د خونړي برید دوې میاشتې وشوې او د پاکستان پوځي چارواکي اوس د دې جاج اخلي چې ایا دا جګړه به تر کله روانه وي؟

دي ایکسپریس ټریبیون زیاتوي ، د پاکستانیو عسکرو د زیاتېدونکې مرګ ژوبلې باجود پوځي چارواکي په دې اړه اندېښمن دي چې د هند له پولې عسکر دې قبایلي سیمو ته ولېږي.

ورځپاڼه د پاکستان د دفاع د وزیر خواجه اصف له خولې لیکي چې په شمالي وزیرستان کې د وسله والو طالبانو پر ضد روانه جګړه به په یو څو میاشتو کې راغونډه شي.

بل پلو یو پوځي چارواکي د نوم نه ښودلو په شرط ویلي چې پاکستان غواړي تر ۲۰۱۹م کاله به یو لک اویا زره عسکر په قبایلي سیمو کې وساتي.

ورځپاڼه د ځینو شننونکو او امریکايي چارواکو له خولې لیکي چې دوی په دې اړه خوشبینه نه دي چې پاکستان به د وسله والو دا جګړه پسې وغځوي.

د ورځپاڼې د دې کسانو له خولې زیاتوي چې ښايي پاکستان هغو ډلو ته څه ونه وايي کومې چې د دې ملک دفاعي او جاسوسي ادارو جوړې کړې وې.

XS
SM
MD
LG