کابل: ځانمرګي برید درې کسان ټپیان کړل
د کابل امنیه قوماندانۍ وایي، د جمعې دورځې په ځانمرګي برید یوازې درې ولسي کسان ټپیان شوي او نور چاته زیان نه دی رسیدلی. دا برید له غرمې وروسته د څلورو بجو په شاوخوا کې د نهمې ناحیې د ډیسپیچری په سیمه کې چې اکثره په کې د بهرنیانو دفترونه دي؛ وشوه. کابل امنیه قوماندان جنرال عبدالرحمن د پیښې په سیمه کې خبریالانو ته وویل؛ ځان وژونکي په دې حمله کې یو کرولا موټر چې له چاودیدونکو موادو ډک و؛ کارولی دی.